MLA Disqualification Petition: आमदार अपात्रता याचिकेवरील सुनावणी विधानसभा सभापतींनी तातडीने घ्यावी अशी मागणी काँग्रेस अध्यक्ष अमित पाटकर यांनी पुन्हा एकदा केली आहे. गोवा विधानसभेचे सभापती रमेश तवडकर माझ्या दुसऱ्या स्मरणपत्राची दखल घेतील. त्यांच्यासमोर प्रलंबित असलेल्या अपात्रतेच्या याचिकेवर त्वरीत निर्णय देतील आणि लोकशाहीचे रक्षण करण्यात अपयशी ठरल्याबद्दल मला न्याय मागण्यासाठी न्यायालयात जाण्यास भाग पाडणार नाहीत, असे काँग्रेस अध्यक्ष अमित पाटकर यांनी म्हटले.
गोवा विधानसभेचे सभापती रमेश तवडकर यांना आज सादर केलेल्या त्यांच्या दुसऱ्या स्मरणपत्रात काँग्रेस अध्यक्षांनी अपात्रता याचिकेवर तातडीने सुनावणी सुरु न केल्यास न्यायालयात जाण्याचा इशारा दिला आहे.
दरम्यान, मायकल लोबो आणि दिगंबर कामत यांच्याविरुद्धच्या अपात्रतेच्या याचिकेवर सभापतींनी निकाल दिल्यानंतर काँग्रेस अध्यक्षांनी महिनाभरापूर्वी असेच एक स्मरणपत्र पाठवले होते. 2022 मध्ये भाजपमध्ये सामील झालेल्या काँग्रेसच्या आठही पक्ष बदलणाऱ्या आमदारांविरुद्ध अमित पाटकर यांनी दाखल केलेली एक याचिका सभापतीसमोर प्रलंबित आहे. सभापतींनी अद्यापही या प्रकरणाची सुनावणी सुरु केलेली नाही. काँग्रेस अध्यक्ष अमित पाटकर यांनी आता सभापतींकडे सुनावणी जलद करुन याचिकेवर निर्णय देण्याची मागणी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
