Agonda Beach : आगोंद किनाऱ्यावर ६ कासवांनी घातली ५६० पेक्षा अधिक अंडी

Agonda Beach :

आगोंद, काणकोण तालक्‍यातील आगोंद समुद्रकिनाऱ्यावर काल गुरुवारी रात्री एकदम ६ कासवांनी ५६० पेक्षा जास्त अंडी घातली.

काही घरट्यांत १०० पेक्षा जास्त अंडी आहेत. २०२३ साली या किनाऱ्यावर एकूण ५९ कासवांनी ३८८६ अंडी घातली होती. दरम्‍यान, तेथे ४८ घरटी कासवसंवर्धन केंद्रात आहेत.

यामधील दोन क्रमांकाच्या घरट्यामधून येत्या चार ते पाच दिवसांत १०२ कासवांची पिल्ले जन्म घेणार आहेत, अशी माहिती संबंधितसूत्रांनी दिली.

या समुद्रकिनाऱ्यावर संध्याकाळच्या सत्रात पर्यटकांसाठी विशेष कार्यक्रमांचे आयोजन करण्यात येते व कधी-कधी रात्री उशिरापर्यंत ते चालतात. त्‍यामुळे कासवांवर परिणाम होतो, अन्यथा ही संख्या बरीच वाढली असती.