आज सकाळी पणजी काकुलो मॉल, सांतिनेज परिसरातील एका हार्डवेअर गोदामाला आग लागल्याची घटना घडली आहे. आग लागल्यानंतर थोड्याच वेळात अग्निशमन दलाचे जवान दाखल होत आग नियंत्रणात आणली आहे. त्यामुळे मोठा अनर्थ टळला असला तरी या घटनेत मोठे अर्थिक नुकसान झाले आहेत. मात्र कोणतीही जीवित हानी झाली नसल्याची माहिती समोर आली आहे.
(A fire broke out at a hardware godown in Panjim Caculo Mall St Inez near Caculo Mall)
मिळालेल्या माहितीनुसार आज सकाळी पणजी येथील काकुलो मॉल, सांतिनेज परिसरातील व सार्वजनिक बांधकाम खाते कार्यालयाच्या समोर वेगवेगळे साहित्याची गोदामे आहेत. यापैकी हार्डवेअर गोदामाला आग लागल्याची घटना घडली आहे. या आगीत गोदामातील साहित्य अधिक प्रमाणात जळाल्याने मोठे नुकसान झाले असल्याची माहिती समोर आली आहे.
स्थानिकांनी दिलेल्या माहितीनुसार सकाळी सहाच्यादरम्यान गोदामातून धुराचे लोट निघू लागले. यानंतर काही वेळातच आग लागल्याचे स्पष्ट झाले. यानंतर आम्ही अग्निशमन दलाला याची माहिती दिली. व अग्निशमन दलाचे केंद्र जवळच असल्याने तातडीने अग्निशमन दलाचे जवान दाखल होत, आगीवर नियंत्रण मिळवले, मात्र त्यापुर्वी आगीने वेग घेत साहित्य आगीच्या भक्ष्यस्थानी पडले होते. थोड्याच वेळात आपत्कालीन सेवा घटनास्थळी दाखल झाले असून शॉर्ट सर्किटने आग लागली असल्याची माहिती समोर आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
