Pernem: पेडण्यातून ३५ अर्ज मागे, चौघे बिनविरोध, ४५४ उमेदवार निवडणूक रिंगणात

पेडणे: पेडणे तालुक्यातील (Pernem) वीस ग्रामपंचायतीतून बुधवारी ३५ जणांनी आपले उमेदवारी अर्ज मागे घेतले.त्यामुळे आता पेडणे तालुक्यातून ४५४ उमेदवार निवडणूक रिंगणात राहिले आहेत. (35 applications withdrawn, four unopposed, 454 candidates are in the fray from Pernem)

धारगळच्या प्रभाग ४ व ६ मधून प्रत्येकी एकाने, विर्नोडाच्या प्रभाग क्रमांक ६ मधून एक,तोर्सेच्या प्रभाग २ व ७ मधून प्रत्येकी एक ,तांबोसेच्या प्रभाग ४ मधून एक उमेदवारी अर्ज,पोरस्कडेच्या प्रभाग ६ मधून एक अर्ज ,वारखंड- नागझर ग्रामपंचायतीच्या प्रभाग क्रमांक ४ व ५ मधून प्रत्येकी एक उमेदवारी अर्ज,मोरजी ग्रामपंचायतीच्या प्रभाग क्रमांक ४ ,६ ,७ व ८ मधून प्रत्येकी एक अर्ज मागे घेतला.

केरी - तेरेखोलच्या प्रभाग २,३ व ७ मधून प्रत्येकी एक अर्ज तर प्रभाग ४ मधून २ अर्ज मागे घेतले. कोरगावच्या प्रभाग ७ व८ मधून प्रत्येकी अर्ज मागे,हरमलच्या प्रभाग क्रमांक ४,५ ,६ व ९ मधून प्रत्येकी एक उमेदवारी अर्ज मागे घेतला.आगरवाडाच्या प्रभाग प्रभाग क्रमांक ५ व ७ मधून प्रत्येकी एक उमेदवारी अर्ज मागे घेतला.मांद्रे ग्रामपंचायतीच्या प्रभाग क्रमांक १,३,४ व ७ मधून प्रत्येकी एक उमेदवारी अर्ज मागे घेतला.

चार बिनविरोध उमेदवार

हरमलच्या प्रभाग ४ मधून बेर्नार्ड फेर्नांडिस, आगरवाडा -चोपडे च्या प्रभाग ७ मधून हेमंत चोपडेकर,इब्रामपुरच्या प्रभाग ७ मधून निशा हळर्णकर व तोर्सेच्या प्रभाग ३ मधून प्रार्थना मोटे हे चार उमेदवार बिनविरोध निवडून आले.