Cyclone Likely in Bay of Bengal, Strong Winds and Rain Expected in State
पणजी: मान्‍सूनने माघार घेतल्‍यानंतरही राज्यात गेल्‍या काही दिवसांपासून पावसाचा जोर वाढतच चालला आहे. दीपावली तोंडावर आली असताना पावसाने जोर धरल्‍याने लोकांच्‍या उत्‍साहावर विरजण पडू लागले आहे. विशेषत: नरकासुर प्रतिमा बनविणाऱ्यांची धांदल उडत आहे.
कर्नाटक आणि तामिळनाडूच्या पट्ट्यात चक्रीय वारे तसेच ईशान्य मान्सूनचा प्रभाव आहे. बंगालच्या खाडीत २३ ऑक्टोबरपर्यंत चक्रीवादळ धडकण्‍याची शक्यता आहे. पुढील दोन दिवस राज्यात ताशी ३० ते ४० किमी वेगाने वारे वाहतील, तसेच मध्यम स्वरूपाच्या पावसाची शक्यता वर्तविण्‍यात आली आहे.
मंगळवारी आणि बुधवारी राज्यात गोवा वेधशाळेतर्फे ‘यलो अलर्ट’ जारी करण्यात आला आहे.दरम्‍यान, राज्यात दुपारच्‍या वेळी तापमान खूपच वाढत असल्‍यामुळे लाेकांना घराबाहेर पडणे कठीण होऊन बसले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.