ओल्ड गोवा: सेंट फ्रान्सिस झेवियर यांच्या पवित्र शव प्रदर्शनाला हजर राहण्यास उत्सुक असलेल्या पाकिस्तानमधील भाविकांना गोव्यात येण्याची संधी मिळाली आहे. इस्लामाबादमधील उच्चायुक्तांनी त्यांचा व्हिसा मंजूर केल्यामुळे आता किमान 170 पाकिस्तानस्थित गोमंतकीय गोव्यात येण्याची शक्यता आहे.
28 नोव्हेंबर रोजी काराचीहून 85 यात्रेकरूंचा पहिला समूह गोव्यात येईल आणि त्यांनतर 20 डिसेंबरच्या आसपास आणखीन पाकिस्तानी गोमंतकीय शव प्रदर्शन सोहळा तसेच नवीन वर्षाच्या स्वागतासाठी गोव्यात येणार आहेत. गोयेकरज ओन अकादमी नावाची एक संस्था या यात्रेकरूंच्या येण्याजाण्याची व्यवस्था करणार आहे.
कराचीहून गोव्याला येणारे यात्रेकरू कराचीमधील विविध चर्चचे सदस्य आहेत आहेत यांमध्ये ज्यात सेंट अँथनी चर्च, सेंट पॅट्रिक चर्च, अवर लेडी ऑफ फातिमा चर्च आणि सेंट लॉरेन्स चर्च यांचा समावेश होतो. कराची ते मुंबई थेट विमानसेवा नसल्यामुळे, काही यात्रेकरू दुबई मार्गे तर काही श्रीलंकेमार्गे गोव्याला येणार आहेत. या प्रवासासाठी प्रत्येक यात्रेकरूला सुमारे 2 लाख रुपये मोजावे लागणार आहेत.
दूसऱ्या आणि तिसऱ्या पिढीतील गोमंतकियांचे काही वंशज कराचीमध्ये राहतात आणि म्हणूनच ते बऱ्याच काळानंतर पुन्हा गोव्याला जाण्याची अपेक्षा बाळगून आहेत. काही भाविकांनी गोव्यात एक ते दीड महिने मुक्कामाचा बेतही आखलाय. पुन्हा कधी भारताचा व्हिसा मिळणार याची शाश्वती नसल्याने आता संधी मिळालीये तर गोव्यात काही दिवस थांबू, अशी प्रतिक्रिया पाकिस्तानातील भाविकाने काही दिवसांपूर्वी टाइम्स ऑफ इंडिया या इंग्रजी वृत्तपत्राला दिली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.