पणजी: सांगे क्रिकेटर्सच्या गोंयची लीग टी-२० क्रिकेट स्पर्धेत गोव्याचा रणजीपटू डावखुरा अभिनव तेजराणा याने स्फोटक फलंदाजी केली. त्या बळावर धेंपो क्रिकेट क्लबने सीको क्रिकेट क्लबला सहा विकेट्स राखून हरविले.
सामना मडगाव क्रिकेट क्लबच्या डॉ. राजेंद्र प्रसाद स्टेडियमवर प्रकाशझोतात झाला. अभिनव याने अवघ्या ३१ चेंडूंत आठ चौकार व पाच षटकारांच्या नाबाद ७७ धावा केल्या. त्यामुळे धेंपो क्लबने १५.४ षटकांतच ४ बाद १९६ धावा करून सामना लीलया जिंकला.
सीको क्लबने प्रथम फलंदाजी करताना ४ बाद १९१ धावा केल्या होत्या. संक्षिप्त धावफलक ः सीको क्रिकेट क्लब ः २० षटकांत ४ बाद १९१ (राजशेखर हरिकांत १४, दीप कसवणकर ५२, चिराग जानी नाबाद ७३, अंश गोसाई नाबाद ३७, सागर सोळंकी ४-०-३१-२) पराभूत वि. धेंपो क्रिकेट क्लब ः १५.४ षटकांत ४ बाद १९६ (आनंद तेंडुलकर ३५, अभिनव तेजराणा नाबाद ७७, मणिशंकर मुरासिंग नाबाद २१, कुतबुदिन जमादार ३-०-२१-३).
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
