आगोंद: कात्यायणी बाणेश्वर विद्यालयाने क्रिकेटमध्ये काणकोण तालुका पातळीवर सलग तिसरे विजेतेपद पटकावले. क्रीडा व युवा व्यवहार खात्यातर्फे आयोजित १४ वर्षांखालील मुलांच्या स्पर्धेच्या अंतिम सामन्यात त्यांनी गुरुकुल काजूमळ संघावर ४० धावांनी दमदार विजय मिळवला.
उपांत्यपूर्व फेरीत सेंट सेबॅस्टियन तर उपांत्य फेरीत सेंट थेरेसा संघाचा पराभव करत कात्यायणी बाणेश्वर संघाने अंतिम फेरी गाठली. अंतिम सामन्यात प्रथम फलंदाजी करताना २० षटकांत ३ बाद १३८ धावा केल्या. प्रत्युत्तरादाखल गुरुकुल काजूमळ संघ २० षटकांत ९८ धावांत गारद झाला.
प्रजय गावकर याने ४४ धावा करत ४ बळी घेत उत्कृष्ट अष्टपैलू कामगिरी बजावली. मृदंग पागी याने ४१ धावांचे योगदान दिले. गोलंदाजीत झैद हांची याने २ बळी घेतले तर रक्षित सिंगो, ऋत्विक नाईक गावकर यांनी प्रत्येकी १ बळी मिळवला.
या यशाबद्दल मुख्याध्यापिका पुष्पा देसाई, शारीरिक शिक्षक संतोष सतरकर, पीटीए अध्यक्ष सोबिता बोर्जीस तसेच शिक्षक, कर्मचारी व शुभेच्छुकांनी संघाचे अभिनंदन केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
