Ind Vs Eng: 'सर जडेजा'च्या नावावर मोठा विक्रम! गॅरी सोबर्सना टाकले मागे; 'हा' रेकॉर्ड करणारा बनला पहिलाच खेळाडू

भारत इंग्लंड कसोटी सामना आता रंगतदार अवस्थेत पोहोचला आहे. तिसरे सत्र संपल्यावर इंग्लंडने १ बाद पन्नास धावा अशी मजल मारलेली आहे. भारताला हा सामना जिंकण्यासाठी अजून नऊ विकेट्स घेण्याची आवश्यकता आहे.

दरम्यान या सामन्यातील दुसऱ्या डावात फलंदाजी करताना जडेजाने मोठ्या विक्रमाला गवसणी घातलेली आहे. हा विक्रम करताना त्याने गॅरी सोबर्स यांच्या विक्रमालाही मागे टाकलेले आहे. या डावात जडेजाने ५३ धावांची उपयुक्त खेळी केली होती.

या मालिकेत जडेजाने एकूण ५१६ रन्स बनवलेल्या आहेत. सहाव्या अथवा त्याच्या खालील क्रमांकावर येऊन फलंदाजी करताना केल्या गेलेल्या या मालिकेतील सर्वाधिक धावा आहेत. या मालिकेत जडेजाने एक शतक, पाच अर्धशतके करून गोलंदाजीत सात विकेट्स पटकावल्या आहेत.

या मालिकेत सहावेळा पन्नासपेक्षा जास्त धाव करून जडेजाने वेस्ट इंडिजचे महान फलन्दाज गॅरी सोबर्स यांच्या नावावर असलेला विक्रम तोडून तिथे स्वतःचे नाव कोरले आहे. भारतातर्फे या यादीत असणाऱ्या व्हीव्हीएस लक्ष्मणने याआधी ४७४ धावांचा विक्रम केला होता.

जडेजाने फलंदाजीत कमाल केली आहेच. हा सामना जिंकण्यासाठी तो आता गोलंदाजी आणि क्षेत्ररक्षण करून किती विकेट्स मिळवतो याकडे सगळ्यांचे लक्ष लागून राहिले आहे.