पणजी: गोवा क्रिकेट असोसिएशनचे (जीसीए) अध्यक्ष विपुल फडके यांनी मंगळवारपासून संघटनेच्या सचिवपदाची जबाबदारी उपाध्यक्ष शंभा नाईक देसाई यांच्याकडे सोपविली.
भारतीय क्रिकेट नियामक मंडळाच्या (बीसीसीआय) संयुक्त सचिवपदी रोहन गावस देसाई यांची बिनविरोध निवड झाल्यामुळे एक मार्चपासून जीसीए सचिवपद रिक्त होते. जीसीए व्यवस्थापकीय समितीची निवडणूक या वर्षी ऑक्टोपर्यंत नियोजित आहे.
तोपर्यंत शंभा नाईक देसाई संघटनेच्या सचिवपदाचा कारभार पाहतील हे आता स्पष्ट आहे.जीसीए खजिनदार दया पागी, संयुक्त सचिव रुपेश नाईक, तसेच कार्यकारिणी सदस्य यांच्या उपस्थितीत पर्वरी येथे जीसीए मुख्यालयात फडके यांनी शंभा यांच्याकडे सचिवपदाच्या जबाबदारीची सूत्रे सोपविली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
