BCCI T20 Tournament: गोवा महिला क्रिकेट संघाची दणदणीत कामगिरी! जम्मू-काश्मीरचा आठ विकेट राखून पराभव

BCCI Senior Women T20 Cricket Tournament 2024-25

पणजी: गोव्याच्या सीनियर महिला क्रिकेट संघाने बीसीसीआय टी-२० क्रिकेट स्पर्धेत विजयी सलामी देताना जम्मू-काश्मीरला आठ विकेट राखून सहज हरविले. अ गट सामना गुरुवारी बडोदा येथील कोटंबी क्रिकेट स्टेडियमवर झाला.

गोव्याने जम्मू-काश्मीरचा डाव ८३ धावांत गुंडाळला. गोव्यातर्फे तरन्नुम पठाण हिने तीन, तर पूर्वा भाईडकर हिने दोन गडी बाद केले. पूर्वजा वेर्लेकर व तरन्नुम यांनी तिसऱ्या विकेटसाठी केलेल्या ५९ धावांच्या अभेद्य भागीदारीच्या बळावर गोव्याने १४.४ षटकांत २ बाद ८६ धावा करून सामना जिंकला. पूर्वजा हिने ३५ चेंडूंत पाच चौकार व एका षटकारासह ३६, तर तरन्नुमने २२ चेंडूंत चार चौकारांसह वीस धावा केल्या.

संक्षिप्त धावफलक

जम्मू-काश्मीर ः १९.४ षटकांत सर्वबाद ८३ (जसिया अख्तर १९, रुद्राक्षी चिब २४, बिस्मा हसन नाबाद २०, शिखा पांडे ४-०-१८-०, तरन्नुम पठाण ४-०-१६-३, सुनंदा येत्रेकर ४-०-१९-१, प्रीती यादव ४-०-२१-०, पूर्वा भाईडकर ३.४-१-९-२) पराभूत वि. गोवा ः १४.४ षटकांत २ बाद ८६ (संजुला नाईक १७, श्रेया परब ६, पूर्वजा वेर्लेकर नाबाद ३६, तरन्नुम पठाण नाबाद २०, बिस्मा हसन ३-०-१२-१, रुबिया सय्यद २-०-१०-१).