Nia Sharma In Goa: मांडवीत जलसफारीचा आनंद; सरत्या वर्षाला निरोप देण्यासाठी निया शर्मा गोव्यात

पणजी: टीलिव्हिजन दुनियेतील प्रसिद्ध अभिनेत्री निया शर्मा सध्या गोव्यात आहे. निया गोव्यात समुद्र किनाऱ्यावर व्हेकेशन एन्जॉय करत आहे. अभिनेत्रीने गोव्यातून व्हेकेशनचे विविध फोटो चाहत्यांसोबत शेअर केले आहेत. निया शर्माने तिच्या इंस्टाग्राम अकाउंटवर हे फोटो शेअर केले आहेत.

निया समुद्राच्या मध्यभागी एका बोटीवर एन्जॉय करताना दिसत आहे. "2024 मधील अखेरची ट्रीप करतेय, हे वर्ष काही कमी आश्चर्यकारक नव्हते", असे कॅप्शन नियाने हे फोटो शेअर करताना दिले आहे.

निया शर्माने या फोटोंमध्ये पांढऱ्या रंगाचा लांब स्वेटरसोबत शॉर्ट परिधान केला आहे. नियाने अतिशय हलका मेकअप आणि डोळ्यांवर काळ्या चष्मा घातला आहे.

याशिवाय नियाने दुसरेही विविध फोटो शेअर केले असून, यात कधी ती बाथरोबमध्ये दिसत आहे. तर, कधी बोटीत आराम करताना दिसत आहे. निया सोशल मिडियावर खूप सक्रिय असते. नियाच्या विविध फोटो आणि रिल्सला लाखो लोक लाईक आणि शेअर करत असतात. तिला Instagram वर  8.2 मिलियन फॉलोवर्स आहेत.

अनेक देशी - विदेशी पर्यटक गोव्यात सरत्या वर्षाला निरोप देऊन नवीन वर्षाचे स्वागत करण्यासाठी दाखल होत आहेत. नियाने देखील २०२४ वर्षातील अखेरची ट्रीप म्हणून गोव्याला पंसती देत मांडवी नदीत बोटींगचा आनंद घेतला. यावेळी तिने काढलेले विविध फोटो सोशल मिडियावरुन शेअर केले आहेत.