कळंगुट : गोव्यातील जनता काँग्रेसलाच स्पष्ट बहुमत देणार, असा विश्वास काँग्रेसचे कळंगुटमधील उमेदवार आणि माजी मंत्री मायकल लोबो यांनी व्यक्त केला आहे. आपला मतदानाचा हक्क बजावल्यानंतर त्यांनी पत्रकारांशी संवाद साधला. यावेळी त्यांनी भाजपवर शेलक्या शब्दात टीका केली. (Michael Lobo News Updates)
गोव्यातील भाजप सरकार हे जनतेचं काहीही ऐकत नाही, त्यामुळे जनता त्रस्त आहे. याचं प्रतिबिंब आपल्याला या विधानसभा निवडणुकीत (Goa Assembly Election) दिसणार आहे. जनता भाजपला घरी पाठवणार असून काँग्रेसला स्पष्ट बहुमत देणार असा दावा मायकल लोबो यांनी केला आहे. गेल्या तीन वर्षात जनतेकडे सरकारने दुर्लक्ष केलं त्यामुळे आम्हाला 22 हून अधिक जागा मिळवून देण्यासाठी जनता सज्ज झाली आहे. काँग्रेसला (Congress) गोव्यात स्पष्ट बहूमत मिळणार असून जनता भाजपला नाकारेल असा दावा लोबोंनी केला आहे.
भाजपकडून (BJP) पर्यावरणाची हानी झाली आहे. आम्हाला आमचं गोवा हिरवंगार हवं आहे. आम्हाला आमचे डोंगर पर्यावरण हवं आहे. त्यासाठी जनता घराबाहेर पडली आहे, असं ते म्हणाले, दरम्यान पैशांचा वापर करुन मत विकत घेतले जाऊ शकत नाही असंही लोबोंनी म्हटलं आहे. पैसे महत्त्वाचे नाहीत, मात्र उमेदवार लोकांच्या हिताचा विचार करणारा असावा, असंही लोबोंनी पुढे म्हटलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.