Goa Elections: काँग्रेस पक्ष मजबुतीने भाजपचा पराभव करण्यासाठी सज्ज: नंदादीप राऊत

Goa Elections: गोवा प्रदेश काँग्रेस यंदा राज्यात बदल घडवण्यासाठी तयार झाला आहे. यात वास्को मतदारसंघाचा महत्त्वाचा वाटा असेल. येणाऱ्या विधानसभा निवडणुकीत काँग्रेस पक्ष मजबुतीने सत्ताधारी भाजप पक्षाचा पराभव करण्यासाठी सज्ज झाला आहे, अशी माहिती काँग्रेस नेते तथा मुरगावचे माजी नगराध्यक्ष नंदादिप राऊत यांनी दिली.

नंदादीप राऊत यांनी गोवा प्रदेश काँग्रेस (Goa Pradesh Congress) पक्षात प्रवेश केल्यापासून त्यांनी आपल्या प्रचाराला जोरदार सुरवात केली आहे. राऊत यांनी घरोघरी प्रचार करून रहिवासीयांना भाजपमुळे (BJP) वाढलेल्या महागाईची माहिती देत जागृती केली. यावेळी त्यांच्यासमवेत अखिल गोवा काँग्रेस अल्पसंख्यांक विभागाचे अध्यक्ष नजीर खान, साजिद शेख, नगरसेविका प्रिया राऊत, तुषार नाईक, सचित नाईक, प्रशांत तांडेल, दामोदर तांडेल, राजेश्री नाईक, निकोलस डायस, शोभावती बांदोडकर, दीप्ती नाईक, मेघा वालांजो, तुळशीदास कुंकळेकर, दर्शन राऊत, स्वप्नील नाईक, तन्वीर सौदागर उपस्थित होते.

नजीर खान म्हणाले, भाजपने जनतेला महागाईच्या विळख्यात टाकले. सामान्य जनता भाजप सरकारच्या सत्तेला येणाऱ्या विधानसभा निवडणुकीत योग्य तो धडा शिकवेल. भ्रष्टाचारी भाजप नेत्यांना जनता कदापि माफ करणार नसल्याची माहिती खान यांनी दिली.