Twitter Blue Subscription: ट्विटरने भारतात सुरू केले ब्लू सबस्क्रिप्शन, जाणून घ्या किती रूपये द्यावे लागणार...

Twitter Blue Subscription: ट्विटरने गुरुवारी भारतात ब्लू सबस्क्रिप्शन सेवा सुरू केली. अँड्रॉइड आणि iOS वापरणाऱ्यांना ब्लू सबस्क्रिप्शनसाठी दरमहा 900 रुपये द्यावे लागतील. तर वेब वापरकर्त्यांना 650 रुपयांमध्ये ब्लू सबस्क्रिप्शन मिळेल.

वेब वापरकर्त्याने वार्षिक सबस्क्रिप्शन घेतल्यास त्याला सूट मिळेल. त्यांना 7800 ऐवजी 6800 रुपये द्यावे लागतील. वार्षिक सदस्यता योजना मोबाइल वापरकर्त्यांसाठी नाही.

ट्विटर ब्लू सबस्क्रिप्शनमध्ये काय मिळेल?

ब्लू सबस्क्रिप्शनमध्ये, वापरकर्त्यांना ट्विट संपादित करण्याची, दीर्घ लांबीचे आणि 1080p मध्ये व्हिडिओ अपलोड करण्याची क्षमता मिळेल म्हणजेच एचडी गुणवत्ता, वाचक मोड आणि निळा चेकमार्क. याशिवाय रिप्लाय, मेन्शन आणि सर्चमध्ये प्राधान्य दिले जाईल.

सामान्य वापरकर्त्यांपेक्षा 50% कमी जाहिराती दिसतील आणि नवीन फीचर्सनाही प्राधान्य मिळेल.

सदस्य त्यांचे हँडल, डिस्प्ले नाव किंवा प्रोफाईल फोटो बदलण्यास देखील सक्षम असतील, परंतु त्यांनी तसे केल्यास, त्यांच्या खात्याचे पुन्हा पुनरावलोकन होईपर्यंत निळा चेकमार्क तात्पुरता काढून टाकला जाईल.

व्यवसायांसाठी अधिकृत लेबल गोल्ड चेकमार्कने बदलले जाईल. तर सरकारी आणि मल्टीलॅटरल अकाऊंटसाठी ग्रे रंगाचा चेकमार्क असेल.

चेकमार्कसाठी निकष

• तुमच्या खात्यात डिस्प्ले नाव आणि प्रोफाइल फोटो असणे आवश्यक आहे.

• ब्लू सेवेसाठी, खाते शेवटच्या 30 दिवसांत सक्रिय असले पाहिजे.

• खाते ९० दिवसांपेक्षा जुने आणि पुष्टी केलेला फोन नंबर असणे आवश्यक आहे.

• प्रोफाईल फोटो, डिस्प्ले नाव यामध्ये कोणताही अलीकडील बदल नसावा.

• अकाऊंटमुळे दिशाभूल होण्याचे कोणतेही संकेत नसावेत.

• अकाऊंट स्पॅममध्ये गुंतल्याचे कोणतेही संकेत नसावेत.

ट्विटर टीमने पुनरावलोकन केल्यानंतरच अकाऊंटवर ब्ल्यू रंगाचा चेकमार्क दिसेल. सर्व पात्रता निकषांची पूर्तता होत असल्याचे ट्विटर टीमला वाटत असेल तरच हा चेकमार्क दिला जाईल. Twitter नियमांचे उल्लंघन करत असलेल्या अकाऊंटचा चेकमार्कदेखील Twitter काढू शकते.

अनेक देशांमध्ये आधीच सुरू केली सेवा

ट्विटरने अलीकडे यूएस, यूके, कॅनडा, ऑस्ट्रेलिया, न्यूझीलंड आणि जपानसह काही देशांमध्ये ब्लू सबस्क्रिप्शन सेवा सुरू केली आहे. ट्विटरचे ब्लू सबस्क्रिप्शन या देशांतील वापरकर्त्यांसाठी दरमहा $8 आकारते तर वार्षिक $84 खर्च येईल.