Turkiye-Syria Earthquake Updates: तुर्कीए आणि सीरियामध्ये 6 फेब्रुवारीला झालेल्या भूकंपामुळे मोठी नासधूस झाली आहे. सर्वत्र ढिगारा पसरला असून ओरड सुरू आहे. मृतांचा आकडा सातत्याने वाढत आहे.
दोन्ही देशांमध्ये मृतांचा आकडा 15,000 च्या वर गेला आहे. तर जखमींची संख्या 65 हजारांहून अधिक आहे. याशिवाय हजारो इमारती जमीनदोस्त झाल्यानंतर आणखी अनेक लोक ढिगाऱ्याखाली दबले जाण्याची शक्यता आहे.
तुर्कीमध्ये 12,391 लोकांचा मृत्यू झाला आहे, तर 62,914 लोक जखमी झाले आहेत. त्याच वेळी, सीरियामध्ये मृतांची संख्या 3,486 झाली आहे, तर येथे जखमींची संख्या 5,247 असल्याचे सांगण्यात येत आहे.
तुर्कीएचे राष्ट्राध्यक्ष रेसेप तय्यप एर्दोगन यांनी बुधवारी (8 फेब्रुवारी) भूकंपग्रस्त भागातील नुकसानीचा आढावा घेतला.
तुर्कीएतील नूरदगीसह अनेक शहरांचे रूपांतर आता कचऱ्याच्या ढिगाऱ्यात झाले आहे. रुग्णालये आणि शवागाराबाहेर मृतदेहांचा ढीग साचला आहे.
दरम्यान, आपत्ती क्षेत्रातून सुमारे 20,000 लोकांना बाहेर काढले आहे, अशी माहिती, तुर्कीएच्या एअरलाईन्सने दिली आहे. शिवाय अतिरिक्त 30,000 प्रवासी उड्डाण करतील अशी अपेक्षा आहे.
हा शक्तिशाली भुकंप 7.5 रिश्टर स्केल तीव्रतेचा होता. तुर्कीए-सीरियासह शेजारी देशांमध्ये 150 हून अधिक आफ्टरशॉक जाणवले. ग्रीनलँडपर्यंत भूकंपाचे धक्के जाणवले. राजधानी अंकारा, नुरदगी आणि 10 शहरे तुर्कीमधील सर्वाधिक प्रभावित शहरांमध्ये आहेत.
व्यक्तींची ओळख न पाहता मदत आणि बचाव कार्य केले जात आहे. मृतांचा आकडा आणखी वाढण्याची शक्यता आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
