Pakistan Bus Caught Fire: पाकिस्तानच्या पंजाब प्रांतात रविवारी सकाळी एक भीषण रस्ता अपघात झाला. येथे पिंडी भटियान शहरात धावत्या बसला आग लागून 30 जणांचा मृत्यू झाला आहे, तर 7 जण गंभीर जखमी झाले आहेत. या बसमध्ये 40 हून अधिक लोक प्रवास करत होते.
मिळालेल्या माहितीनुसार, ज्या बसला आग लागली ती बस कराचीहून इस्लामाबादला जात होती. प्रवासात बसने पिकअप व्हॅनला धडक दिली, असे पोलिसांचे म्हणणे आहे. या व्हॅनमध्ये मोठ्या प्रमाणात डिझेल भरण्यात आले होते. त्यामुळे या धडकेनंतर बसला आग लागली.
हा अपघात इतका भीषण होता की, यात ३० नागरीकांचा मृत्यू झाला आहे, तर ७ जण गंभीर जखमी झाले आहेत. जखमींना उपचारासाठी रुग्णालयात दाखल केले आहे.
बसला लागलेली आग इतकी भीषण होती की, काही वेळातच संपूर्ण बसची राखरांगोळी झाली.
याआधी खैबर पख्तुनख्वाच्या उत्तर वझिरीस्तानच्या शॉवाल तहसीलमध्येही मोठी दुर्घटना घडली होती. येथे एका व्हॅनमध्ये स्फोट झाला, त्यात 11 मजुरांना आपला जीव गमवावा लागला. या अपघातात दोन मजूरही जखमी झाले आहेत.
मिळालेल्या माहितीनुसार, शव्वाल तहसीलमधील गुल मीरकोटजवळ हा स्फोट झाला. येथून लष्करी ताफा जात होता, त्यानंतर आयईडीचा स्फोट झाला, ज्यामध्ये निष्पाप मजूरही बळी पडले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
