इंडोनेशियातील धक्कादायक घटना, पार्किंगमधील फक्त एकाच गाडीवर पडला जोरदार पाऊस

इंडोनेशियन शहरातील (Indonesian city) बेकासी (Bekasi) येथील रहिवाशाने एका दुर्मिळ हवामान (Weather) घटनेचे चित्रीकरण केले आहे. जेथे वादळादरम्यान पाऊस पडू लागला, परंतु हा पाऊस फक्त एका गाडीवरच पडला.

दुर्मिळ हवामानाच्या घटनेला "अल्ट्रा लोकलाइज्ड पाऊस" असे म्हणतात. याविषयी बोलताना तो म्हणाला, सुरुवातीला मला वाटले की कोणीतरी हॉटेलच्यावर पाण्याशी खेळत आहे. पण जेव्हा मी वर पाहीले तेव्हा खरोखरच आकाशातून पाऊस कोसळत होता. बेकासी रीजन्सीचे सदस्य असलेले उरयन, हे या भिजलेल्या काळ्या कारजवळ गेले, पण त्यांना कोणी त्यावर मुद्दाम पाणी फवारताना दिसले नसल्याचे त्यांनी सांगितले.

इंडोनेशियात 2017 मध्येही अशीच एक घटना घडली होती, जिथे दक्षिण जकार्तामधील एकाच घरावर पाऊस पडला होता. 2016 मध्ये इटलीतील पालेर्मो येथेही अल्ट्रा लोकलाइज्ड पावसाची नोंद झाली आहे. त्या वेळी रस्त्याच्या कडेला झालेल्या पावसाने वाहनचालक आणि पादचाऱ्यांना धक्का बसला. इंडोनेशिया आणि आग्नेय आशियातील इतर देश जसे की मलेशिया, फिलीपिन्स आणि थायलंड हे उष्णकटिबंधीय मान्सून पावसाळी हंगामाच्या शिखरावर आहेत. जेथे नोव्हेंबरच्या शेवटपर्यंत पाऊस पडतो. 35 अंश सेल्सिअसपर्यंत वाढणारे तापमान अनेकदा मेघगर्जना, विजांचा कडकडाट, पाऊस आणि अचानक पूर यांसह शक्तिशाली उष्णकटिबंधीय वादळे येथे येतात. ज्यामुळे नद्या दुथडी भरुन वाहतात आणि धोकादायक बनतात. मेट ऑफिसच्या हवामानशास्त्रज्ञांनी अशा प्रकारच्या दुर्मिळ घटना या होतच असतात. असे म्हणले आहे.