'किस करू नका, मिठी मारू नका' चीनमध्ये लॉकडाउनचे विचित्र नियम

चीन (China) मध्ये पुन्हा कोरोनाचा स्फोट झाला आहे आणि मागील दोन आठवड्यापासून चीनमध्ये कडक लॉकडाउन (Lockdown) जाहीर केला आहे. ज्याचा सामना सर्वसामान्य लोकांना करावा लागत आहे. शांघाय मध्ये राहणाऱ्या अशाच काही नागरिकांनी या लॉकडाउनचा अनुभव शेअर केला आहे. या शहरातून काही फोटो व्हिडिओ सोशल मीडियावर व्हायरल होत आहे. सर्व सामान्य जनता आपल्या प्रत्येक दिवसाच्या कामासाठी संघर्ष करत आहे. या भागात माणसं तर दूरच परंतु बाहेर कुत्र्यांचे सुद्धा फिरणे बंद झााले आहे.

कारण चीनमध्ये पुन्हा कोविड19चा (Covid-19) प्रकोप वाढल्याने ही समस्या का केंद्रस्थानी आहे.लॉकडाऊनच्या दोन आठवड्यानंतर कोविडचे प्रमाण कमी झाले असले तरी निर्बंध कायम आहेत. 2 करोड 60 निवासी घरामध्ये राहून नियमांचं पालन करत आहेत. अशातच एका चिनी गृहस्थाने ट्विटवर काही व्हिडीओ पोस्ट केले आहेत जी ड्रोन च्या माध्यमातून घेण्यात आली आहेत. याा व्हिडिओमध्ये दिसत असलेले लोक आपल्या मुलांना कोविड नियमांचे पालन करा असे सांगताना दिसत आहेत. आपल्या मुलांना एकत्र येवून खेळण्यास मनाई करताना दिसत आहेत.

खिडकी उघण्यावर, गाणे गाण्यावर बंदी

आणखी एका व्हिडिओमध्ये एक वेगळ्याच प्रकारची घोषणा हेल्थकेयर कर्मचारी उड्डास्पीकरवरून नागरिकांना देतांना दिसत आहेत. ते म्हणातात, "आज रात्री विवाहित दाप्त्यांनी वेगवेगळे झोपा, एकमेकांनी मिठी मारू नका, किस करू नका, जेवण करायला एकत्र बसू नका तुमच्या मदतीसाठी आणि सहकार्यासाठी धन्यवाद." मागील दोन आठवड्यापासून शहरातील रस्त्यांवर एक रोबोट देखरेख ठेवत आहेत आणि आरोग्याच्या घोषणा करत आहे. कोविड नियमांमुळे शआंघाय शहरातील नागरिकांचे खाण्या पिण्याचे आणि कामाचे वांदे होत आहे.