चाहत्याने मनगट कापले; कोहलीच्या पोस्टरवर लावला रक्ताचा टिळा, धक्कादायक Video Viral!

बंगळूरु: रॉयल चॅलेंजर्स बंगळूरुने अखेर आयपीएल २०२५ चे विजेतेपद पटकावले असले तरी, या विजयाच्या जल्लोषाचा एक धक्कादायक पैलू समोर आला आहे. एका अतिउत्साही विराट कोहलीच्या चाहत्याने थेट आपल्या रक्ताचा टिळा कोहलीच्या पोस्टरवर लावल्याचा व्हिडिओ सोशल मीडियावर व्हायरल झाला असून हा व्हिडिओ पाहून नेटकरी थक्क झाले आहेत आणि आधुनिक क्रीडा संस्कृतीत चाहत्यांना काही मर्यादाच उरली नाहीये का असा प्रश्न अनेकांनी उपस्थित केलाय.

विराटावरील 'अंधभक्ती'चा नमुना

व्हायरल झालेल्या फुटेजमध्ये एक तरुण चाहता आपल्या हाताच्या मनगटावर कापून त्यातून निघालेल्या रक्ताने कोहलीच्या पोस्टरवरील कपाळावर टिळा लावताना दिसत आहे. हा व्हिडिओ पाहून अनेकांनी चिंता व्यक्त केली आहे. चाहत्यांच्या अशा वागणुकीमागे विराट कोहलीचा प्रभाव कारणीभूत आहे की आरसीबीच्या व्यापक चाहतावर्ग याला जबाबदार म्हणावा लागेल? काही सोशल मीडिया वापरकर्त्यांनी असा सवाल केला आहे.

आरसीबीच्या विजयानंर बंगळूरुमध्ये आधीच तणावपूर्ण वातावरण निर्माण झाले आहे. एकीकडे संघाच्या ऐतिहासिक विजयाचा आनंद, तर दुसरीकडे चिन्नास्वामी स्टेडियमबाहेर झालेल्या चेंगराचेंगरीत ११ जणांचा बळी गेल्याने दुःखाचे सावट आहे.

या पार्श्वभूमीवर, हा धक्कादायक व्हिडिओ कट्टरतेची एक गडद बाजू समोर आणतो, जिथं चाहते क्रिकेटपटूनसाठी जीवावर उदार व्हायला देखील मागे पाहत नाहीयेत.

खेळातून लाखो लोकांमध्ये उत्कटता निर्माण होते आणि त्यांना एकत्र आणता येते हे खरे असले तरी, अशा प्रकारची टोकाची कृत्ये हे दर्शवतात की, कौतुक आणि समजूतदारपणा यांच्यात संतुलन राखणे किती महत्त्वाचे आहे.