देश शोक व्यक्त करत असताना... उत्तराखंडचे मुख्यमंत्री गोवा काँग्रेसवर बरसले

देहराडून: उत्तराखंडचे (Uttarakhand) मुख्यमंत्री पुष्कर सिंह धामी (Pushkar Singh Dhami) यांनी रविवारी चीफ ऑफ डिफेन्स स्टाफ (CDS) जनरल बिपीन रावत (CDS Bipin Rawat), त्यांची पत्नी आणि इतर लष्करी अधिकाऱ्यांच्या हेलिकॉप्टर अपघातात झालेल्या अकाली मृत्यूमुळे देश शोकग्रस्त होता आणि कॉंग्रेस पार्टी गोव्यात (Goa Congress) जोशात प्रचार करत होती असा आरोप त्यांनी केला.

"स्वातंत्र्यानंतर 60 वर्षे देशावर राज्य करणाऱ्या या पक्षाला असे करताना लाज वाटायला पाहिजे. स्वातंत्र्यानंतर 60 वर्षे एकच पक्ष आणि एकाच कुटुंबाची सत्ता होती ज्यांनी नेहमीच तडजोड करत देशाशी खेळ केला, आज जेव्हा आपण सर्व आपल्या प्रिय, उत्तराखंडचा अभिमान, भारताचा अभिमान असलेल्या व्यक्तीच्या निधनाने दु:खी आहोत, तेव्हा काँग्रेस गोव्यात त्यांच्या निधनाचा आनंद साजरा करत होता नाचत होते,"असे धामी म्हणाले.

उत्तराखंड सरकारने तीन दिवसांचा राजकीय शोक जाहीर केला आणि कोणताही कार्यक्रम आयोजित केला नाही. इंडियन मिलिटरी अकादमी (IMA) येथे पासिंग आऊट परेडही साधेपणाने पार पडली. पौडी जिल्ह्यातील विधानसभा मतदारसंघातील एका कार्यक्रमादरम्यान धामी बोलत होते. दिवंगत जनरल रावत पौडीचे रहिवासी होते. यांनी विकसित उत्तराखंडचे स्वप्न पाहिले होते आणि आता त्यांची स्वप्ने पूर्ण करण्यासाठी आपण कोणतीही कसर सोडू नये, असे आवाहन धामी यांनी स्थानिक रहिवाशांना केली. धामी यांनी यावेळी जिल्ह्यासाठी 90 कोटी रुपयांच्या विकास प्रकल्पांची पायाभरणी आणि लोकार्पण केले.

कॉंग्रेस सरचिटनिस प्रियांका गांधी मागील आठवड्यात गोवा दौऱ्यावर होत्या. यावेळी त्यांनी पक्षाच्या नेत्यांशी संवाद साधला. आणि गोव्यातील एका आदिवासी समाजाच्या कार्यक्रमात आदिवासी कार्यक्रमात नृत्यही केले होते. त्याच्या या कृतीमुळे अनेकांनी त्यांच्या या नृत्याचा निशेध केला आणि त्यांच्यावर अनेक अरोपही केले.