Lawrence Bishnoi विरुद्ध NIA ची मोठी कारवाई, UAPA अंतर्गत नोंदवला गुन्हा

Lawrence Bishnoi Arrested: गँगस्टर लॉरेन्स बिश्नोईविरुद्ध मोठी कारवाई करत NIA ने त्याला अटक केली आहे. त्याच्यावर यूएपीए अंतर्गत गुन्हा दाखल करण्यात आला आहे. खरे तर लॉरेन्स बिश्नोईचे दहशतवादाशीही संबंध जोडले जात होते. अनेक प्रकारचे इनपुट बाहेर येत होते. याच प्रकरणात एनआयएने त्याच्यावर ही कारवाई केली आहे. एजन्सीने त्याला भटिंडा कारागृहातून अटक केली आहे.

लॉरेन्स हा मुसेवाला हत्याकांडातील आरोपी

सहा महिन्यांपूर्वी 29 मे रोजी पंजाबी गायक सिद्धू मूसेवाला (Sidhu Moose Wala) यांची मानसा येथील एका गावात भरदिवसा गोळ्या घालून हत्या करण्यात आली होती. सुमारे 10 मिनिटे गोळीबार सुरु होता, ज्यामध्ये अज्ञात बंदूकधाऱ्यांनी सुमारे 30 राऊंड गोळीबार केला. हल्ल्यानंतर 15 मिनिटांतच त्यांचा मृत्यू झाला. या प्रकरणात लॉरेन्स बिश्नोईचे नाव पुढे आले.

दुसरीकडे, एनआयएपूर्वी दिल्ली पोलिसांनी (Delhi Police) लॉरेन्स बिश्नोईविरुद्ध यूएपीए अंतर्गत गुन्हा दाखल केला होता. अनेक प्रतिबंधित दहशतवादी संघटनांच्या संपर्कात असलेल्या बिश्नोईवर कठोर कारवाई करण्याचे निर्देश केंद्रीय गृह मंत्रालयाने (MHA) दिल्यानंतर हे पाऊल उचलण्यात आले. दिल्ली पोलिसांनी मूसेवाला हत्याकांडातील आरोपी लॉरेन्स बिश्नोई, गोल्डी ब्रार आणि विक्रम ब्रार उर्फ ​​बुद्ध यांच्या विरोधात यूएपीएचे हत्यार सरकारने उपसले आहे.

एनआयएने दोन पंजाबी गायकांची चौकशी केली

NIA सूत्रांनी सांगितले की, 'आम्ही या वर्षी मे महिन्यात लोकप्रिय पंजाबी गायक सिद्धू मूसेवाला यांच्या हत्येप्रकरणी दोन पंजाबी गायकांची चौकशी केली.' एनआयएने दिल्ली मुख्यालयात दिलप्रीत ढिल्लो आणि मनकिरत औलख यांची चौकशी केली होती.