Priyank Kharge Controversial Statement: काँग्रेस अध्यक्ष मल्लिकार्जुन खर्गे यांचे पुत्र प्रियांक खर्गे यांनी पंतप्रधान नरेंद्र मोदी यांच्याबाबत वादग्रस्त वक्तव्य केले आहे. प्रियांक खर्गे यांनी पंतप्रधान मोदींना 'नालायक' म्हटले.
प्रियांक म्हणाले की, 'दिल्लीत एक 'नालायक' मुलगा बसला आहे. मुलगा बेकार असेल तर घर कसं चालणार.' याआधी, काँग्रेसचे अध्यक्ष मल्लिकार्जुन खर्गे यांनी पीएम मोदींबाबत आक्षेपार्ह वक्तव्य केल होते.
कर्नाटक विधानसभा निवडणुकीच्या प्रचारात भाजप आणि काँग्रेस एकमेकांवर आरोप-प्रत्यारोपांच्या फैरी झाडत आहेत.
दरम्यान, भाजपचे (BJP) राष्ट्रीय अध्यक्ष जेपी नड्डा यांनी आज कर्नाटक विधानसभा निवडणुकीसाठी पक्षाचा जाहीरनामा प्रसिद्ध केला. त्याचबरोबर, काँग्रेसनेही भाजपच्या जाहीरनाम्याला प्रत्युत्तर देण्याची तयारी केली आहे.
दुसरीकडे, कर्नाटकात पुन्हा कमळ फुलवण्यासाठी पंतप्रधान मोदी निवडणूक प्रचारात पूर्ण ताकद लावत आहेत. मागील काँग्रेस (Congress) सरकारचे अपयश, कर्नाटकातील भाजप सरकारचे काम या बरोबरच यावेळी सर्पदोषाची सर्वाधिक चर्चा आहे.
मोदी जिथे जिथे सभा घ्यायला जातात तिथे काँग्रेसने आपल्याला शिव्या दिल्याची आठवण करुन द्यायला विसरत नाहीत.
एक दिवसापूर्वी पीएम मोदींनी स्वत:ला मिळालेल्या शिव्यांची संख्या सांगितली होती, मात्र प्रचाराच्या दुसऱ्या दिवशी काँग्रेसने मोदींवर आक्षेपार्ह वक्तव्य केले.
दुसरीकडे, पंतप्रधान मोदी प्रचारादरम्यान म्हणाले की, मी जनतारुपी देवाच्या गळ्यातील साप आहे. साप हे भगवान शंकराच्या गळ्यातील शोभा आहे. माझ्यासाठी देशातील लोक हे देवाचे रुप आहेत.'
विशेष म्हणजे, कर्नाटकमध्ये भाजपने काँग्रेसचा थेट हल्ला पंतप्रधान मोदींवर केला आहे. काँग्रेस प्रदेशाध्यक्ष खर्गे यांचे सापाचे वक्तव्य म्हणजे भाजपला लॉटरी लागल्यासारखे आहे. पंतप्रधानही कर्नाटकातील जनतेच्या दरबारात काँग्रेसवर प्रहार करत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.