निवडणुका येताच ते हिंदू होतात...

Political News: अमेठी येथील नवोदय विद्यालयातील आयोजित कार्यक्रमाला संबोधित करताना गडकरी म्हणाले की, स्वातंत्र्याच्या अनेक दशकांनंतरही देशात शिक्षण, औषध, पिण्याच्या पाण्याची योग्य व्यवस्था नव्हती, परंतु अटलजींच्या (माजी पंतप्रधान अटलबिहारी वाजपेयी) यांच्या नेतृत्वाखालील सरकारने अनेक विकासात्मक कामे किली आहेत. या दिशेने काम सुरू झाले असून आज देशातील साडेसहा लाख गावांपैकी पाच लाख गावे प्रधानमंत्री सडक योजनेच्या माध्यमातून पक्क्या रस्त्याने जोडली गेली आहेत.

नेहरू-गांधी कुटुंबावर टोला देत केंद्रीय मंत्री म्हणाले, "जो विकास 50 वर्षांत झाला नाही, तो विकास भाजप (BJP) सरकारने दोन वर्षांत स्मृती इराणींच्या (Smriti Irani) प्रयत्नाने करून दाखवला."

केंद्रीय महिला आणि बालविकास मंत्री स्मृती इराणी यांनी राहुल आणि प्रियंका (Priyanka Gandhi) यांचा खरपूस समाचार घेत अमेठी या ठिकाणी ज्यांनी पाच दशके राज्य केले, त्यांच्यासोबत आज कोणीही नाही. भूतकाळातील राहुल गांधींच्या (Rahul Gandhi) दौऱ्याचा संदर्भ देत इराणी यांनी दावा केला की त्यांच्या सभेसाठी गर्दी जमवण्या करिता छत्तीसगड, मध्य प्रदेश आणि संत कबीर नगर येथून लोकांना बोलावण्यात आले होते.

"ज्यांनी मला मतदान केले आणि ज्यांनी अमेठीत मत दिले ते माझे आहेत आणि त्यांच्यासोबत कोणत्याही प्रकारचे असभ्य वर्तन खपवून घेणार नाही," असे केंद्रीय मंत्री म्हणाले.

ते म्हणाले की जेव्हा भाऊ आणि बहिणी (राहुल गांधी आणि प्रियंका गांधी वढेरा) आले होते तेव्हा येथील लोकांशी भांडण झाले होते. अमेठीच्या जनतेला काही झाले तर याद राखा असा इशारा त्यांनी दिला.

अमेठीत अडीच वर्षांत 83 हजार कोटींची योजना राबवल्याचा दावा करत केंद्रीय मंत्र्यांनी राहुल गांधींना आव्हान दिले की, काँग्रेसने 70 वर्षांत अमेठीत किती विकास केला?

उत्तर प्रदेशचे उपमुख्यमंत्री केशव प्रसाद मौर्य म्हणाले की, सपा, बसपा, काँग्रेसमध्ये फरक नाही, सर्व एकाच थाळीचे तुकडे आहेत. अमेठीच्या सर्व जागांवर विजयाचा दावा करत ते म्हणाले की, 2017 च्या विधानसभा निवडणुकीपेक्षा यावेळीची निवडणूक महत्त्वाची आहे. मौर्य यांनी सपा, बसपा आणि काँग्रेसवर धर्म आणि जातीवादाचे राजकारण केल्याचा आरोप केला आणि ते म्हणाले की, निवडणुका येताच ते हिंदू होतात.