Delhi Murder Case: गोव्याचा प्लॅन स्वप्नच ठरला, त्याने कारमध्येच गर्लफ्रेन्डचा खून करून मृतदेह फ्रिजमध्ये ठेवला

Nikki Yadav Murder Case : दिल्लीत झालेले श्रद्धा वालकर प्रकरण सध्या सर्वत्र गाजत असताना, दिल्लीतून (Delhi) अजून एक धक्कादायक प्रकरण समोर आले आहे.

व्हॅलेंटाईन डेच्या 4 दिवस अगोदर ही घटना घडली. लिव्ह-इन रिलेशनशिपमध्ये राहणाऱ्या साहिल गहलोत याने त्याची पार्टनर निक्की यादव हिची हत्या केल्याचे नुकतेच समोर आले आहे.

दोघांनी देखील पळून गोव्याला (Goa Plan) येण्याचा प्लॅन केला होता पण, दोघांत वाद झाला आणि वेगळाच प्रकार घडला.

साहिल गहलोत आणि निक्की यादव एकाच कॉलेजमध्ये शिकत होते. साहिल डी फार्मा तर निक्कीने बीए (इंग्रजी ऑनर्स) मध्ये प्रवेश घेतला. यानंतर दोघेही ग्रेटर नोएडामध्ये लिव्ह-इन रिलेशनशिपमध्ये राहू लागले. दोघेही याच दरम्यान मनाली, ऋषिकेश, हरिद्वार, डेहराडूनसह अनेक ठिकाणी फिरायला गेले.

कोरोना लॉकडाऊन दरम्यान दोघेही आपापल्या घरी गेले. मात्र परत आल्यानंतर दोघेही पुन्हा लिव्ह इन रिलेशनशिपमध्ये राहू लागले.

दरम्यान, साहिलच्या कुटुंबीयांनी त्याच्यावर लग्नासाठी दबाव टाकण्यास सुरुवात केली. साहिलनेही लग्नास होकार दिला. 9 फेब्रुवारीला साखरपुडा तर 10 फेब्रुवारीला त्याच्या लग्नाची तारीख निश्चित करण्यात आली.

निक्कीला याबाबत कळाल्यावर दोघांत भांडण झाले होते. त्यानंतर दोघांनी लग्नाआधी गोव्याला पळून जाण्याचा प्लॅन केला. दोघांनी मिळून आत्महत्येचा कटही रचला होता. अशी माहिती समोर आली आहे. निक्कीने तर 9 फेब्रुवारीची तिकिटेही बुक केले होते. पण ऐनवेळी साहिलने गोव्याला जाण्यास नकार दिला. त्यानंतर दोघांमध्ये भांडण झाले.

निक्की साहिलला सतत दुसऱ्या मुलीशी लग्न करू नकोस तसेच, तिच्यासोबत गोव्याला जाण्यासाठी वारंवार सांगत होती. यानंतर दोघांमध्ये कारमध्ये वाद झाला. दरम्यान, 26 वर्षीय आरोपी साहिल गहलोत याने 22 वर्षीय निक्कीची मोबाईल डेटा केबलने निकीचा गळा आवळून हत्या केली.

साहिलने ढाब्याच्या फ्रीजमध्ये निकीचा मृतदेह लपवून ठेवला. विशेष म्हणजे त्याने 10 डिसेंबर रोजी लग्न देखील केले. साहिलने चार दिवस निक्कीचा मृतदेह फ्रीजमध्ये लपवून ठेवला होता. मात्र व्हॅलेंटाइन डेच्या दिवशी पोलिसांना याची माहिती मिळाली. पोलिसांनी साहिलला दिल्लीच्या खैर गावातून अटक केली. साहिल आता तुरुंगात आहे.