ISI’s Plot to Attack Ayodhya Ram Mandir Suspect Abdul Rehman Arrested
पाकिस्तानचा नापाक चेहरा पुन्हा समोर आला आहे. राम मंदिर उडवून देण्याचा पाकिस्तानचा डाव सुरक्षा यंत्रणांनी उधळून लावला. हरियाणातील फरिदाबाद येथून संशयित अब्दुल रहमानच्या मुसक्या आवळण्यात सुरक्षा यंत्रणांना मोठे यश आले. सुरक्षा यंत्रणांमधील सूत्रांनी दिलेल्या माहितीनुसार, पाकिस्तानची गुप्तचर संस्था आयएसआय अब्दुल रहमानच्या माध्यमातून राम मंदिरावर हल्ला करण्याची योजना आखत होती. यासाठी आयएसआयने अब्दुल रहमानला तयार केले होते.
दरम्यान, अब्दुल रहमान हा आयएसआयच्या संपर्कात होता, ज्याला पोलिसांनी अटक केली. मिळालेल्या माहितीनुसार, दहशतवादी अब्दुल हा अनेक दहशतवादी संघटनांशी संबंधित आहे. अब्दुल रहमान फैजाबादमध्ये मटणाचे दुकान चालवतो. तो व्यवसायाने ऑटो चालक देखील आहे. बांधकामापासून राम मंदिर दहशतवाद्यांच्या निशाण्यावर आहे. तथापि, अब्दुलला अटक करुन तपास यंत्रणांनी आयएसआयचा एक मोठा कट उधळून लावला.
दहशतवादी अब्दुल रहमानचा कट अयोध्या राम मंदिरावर हॅंड ग्रेनेड वापरुन हल्ला करुन मोठ्या प्रमाणात विनाश घडवून आणण्याचा होता. कटाचा एक भाग म्हणून अब्दुलने अनेक वेळा राम मंदिराची रेकी केली होती. विशेष म्हणजे, त्याने सर्व माहिती आयएसआयलाही पाठवली होती. अब्दुल पहिल्यांदा फैजाबादहून ट्रेनने फरिदाबादला पोहोचला होता. जिथे त्याला एका हँडलरने हँड ग्रेनेड दिले, जे त्याला परत घेऊन ट्रेनने अयोध्येला जायचे होते. तथापि, योजना यशस्वी होण्यापूर्वीच केंद्रीय एजन्सींकडून मिळालेल्या माहितीच्या आधारे, गुजरात एटीएस आणि फरीदाबाद एसटीएफने संशयित दहशतवाद्याच्या मुसक्या आवळल्या.
अब्दुल रहमान हा उत्तर प्रदेशातील फैजाबाद येथील मिल्कीपूर येथील रहिवासी आहे. तो एका दहशतवादी संघटनेशी संबंधित असल्याचा आरोप त्याच्यावर आहे. चौकशीदरम्यान त्याने पाली परिसरातील एका घरात लपवलेल्या शस्त्रांची माहिती दिली, त्यानंतर एटीएस आणि फरिदाबाद पोलिसांचे पथक घटनास्थळी पोहोचले. गुजरात एटीएसची टीम रविवारी संध्याकाळी पाली येथे पोहोचली, जिथे फरीदाबाद पोलिसही या भागात तैनात होते. यादरम्यान कोणत्याही नागरिकांना या परिसरात प्रवेश करण्याची किंवा बाहेर जाण्याची परवानगी नव्हती. सूत्रांनी दिलेल्या माहितीनुसार, पथकाला या घरात दोन जिवंत हँडबॉम्ब मिळाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.