Viral Video: दारूच्या नशेत असलेल्या चार मुलींकडून वाटसरू मुलीला बेदम मारहाण

चार मुलींनी गोंधळ घालत, एका मुलीला मारहाण केल्याचा व्हिडिओ सध्या सोशल मीडियावर व्हायरल (Indore Viral Video) होत आहे. या व्हिडिओमध्ये चार मुली एका मुलीला बेदम मारहाण करताना दिसत आहेत. त्यानंतर रस्त्यातच त्यांनी या मुलीचा मोबाईल देखील फोडला. मध्य प्रदेशातील एलआयसी तिराहा, इंदूर ( Madhya Pradesh's Indore) येथे गुरुवारी रात्री ही घटना घडली.

घटनेचा व्हिडिओ समोर आल्यानंतर माहिती घेतली असता या चारही मुली दारूच्या नशेत असल्याची माहिती समोर आली आहे. पोलिसांना या घटनेची सुरूवातीला काही माहिती मिळाली नाही. मात्र, व्हिडिओतून ही बाब त्यांच्या निदर्शनास आल्यानंतर पोलिसांनी चारही मुलींवर गुन्हा दाखल केला असल्याची माहिती समोर आली आहे.

दरम्यान, या घटनेचा व्हिडिओ याठिकाणी उपस्थित असलेल्या लोकांनी चित्रित केला. पण, मुलींची हाणामारी थांबवण्यासाठी कोणीही प्रयत्न केला नाही. व्हिडिओमध्ये चार मुली एका मुलीला लाथा-बुक्क्यांनी बेदम मारहाण करत असल्याचे दिसत आहे. मुलीला मारहाण केल्यानंतर मुलगी विरोध करण्याचा प्रयत्न करत आहे, मात्र तरिही मुली मारहाण करताना दिसत आहेत.