"मी स्वतःला सचिन तेंडुलकर अन् अमिताभ बच्चन समजतो ...:" पंतप्रधान बोरिस जॉन्सन

ब्रिटनचे पंतप्रधान बोरिस जॉन्सन (British Prime Minister Boris Johnson) दोन दिवसीय भारत दौऱ्यावर आहेत. यावेळी त्यांनी पंतप्रधान नरेंद्र मोदी यांचे भव्य स्वागत केल्याबद्दल आभार मानले. पंतप्रधान मोदींना आपला खास मित्र म्हणून संबोधित करताना ते म्हणाले, "मी पंतप्रधान नरेंद्र मोदी (Prime Minister Narendra Modi) आणि भारतातील जनतेने भव्य स्वागत केल्याबद्दल आभार मानतो. माझ्या आगमनानंतर ज्या प्रकारे माझे स्वागत करण्यात आले ते पाहून मी स्वतःला सचिन तेंडुलकर (Sachin Tendulkar) आणि अमिताभ बच्चन (Amitabh Bachchan) समजतो."

दरम्यान, जॉन्सन यांनी आपल्या भारत भेटीबाबत दोन्ही देशांमधील द्विपक्षीय चर्चेची माहिती पत्रकारांना दिली. पंतप्रधान मोदींनी पंतप्रधान जॉन्सन यांचे अहमदाबादमध्ये स्वागत केले. गुजरातमध्ये आपण केलेल्या स्वागतामुळे खूप आनंद झाला असल्याचे जॉन्सन यांनी म्हटले. जॉन्सन पुढे म्हणाले की, ''जणू मी सचिन आणि अमिताभ आहे. अहमदाबाद शहरातील रस्त्यांवर लावण्यात आलेले पोस्टर्स पाहून मी भारावून गेलो होतो.''

तसेच, शुक्रवारी त्यांनी यूके आणि भारताच्या धोरणात्मक संरक्षण, राजनैतिक आणि आर्थिक भागीदारीवर सखोल चर्चा केली, ज्याचा उद्देश इंडो-पॅसिफिकमध्ये भागीदारी आणि सुरक्षा सहकार्य वाढवणे आहे.