Gold Silver Price Today: सोन्या-चांदीसह शेअर बाजार गडगडला! गुंतवणूकदार संभ्रमात; झाली 'इतक्या' रुपयांची घट

जळगाव: येथील सराफा बाजारात मागील दोन दिवसांपासून भाववाढीचा चढता आलेख पाहायला मिळाला. मात्र, गुरुवारी (ता. ८) सोने-चांदीचे भाव अचानक गडगडले. सोन्यात प्रतिदहा ग्रॅमला ९०० रुपयांची (विना जीएसटी) तर चांदीत प्रतिकिलो सात हजारांची घट झाली आहे.

अमेरिकेत ट्रम्प प्रशासनाने मोठे आयातशुल्क लावण्याबाबतच्या प्रस्तावाला मंजुरी दिल्याचा आणि अमेरिकेतच डिसेंबरमधील रोजगाराची आकडेवारी प्रसिद्ध झाल्याने आंतरराष्ट्रीय बाजारावर नकारात्मक परिणाम झाला. त्यामुळे सोन्या-चांदीच्या भावासह शेअर बाजारही गडगडला.

सोन्याचा भाव प्रतिदहा ग्रॅमला एक लाख ३६ हजार ७०० रुपये होता. त्यात आज नऊशे रुपयांची (विना जीएसटी) घट होऊन सोने एक लाख ३५ हजार ८०० वर पोहोचले. तर चांदीचा भाव प्रतिकिलो दोन लाख ४८ हजार (विना जीएसटी) होता. त्यात गुरुवारी (ता. ७) सात हजारांची घट झाली.

सोने चांदीचे काही दिवसांतील भाव (विना जीएसटी)