Goa-Bhopal Flight: एअर शोमुळे गोवा-भोपाळ फ्लाईटच्या वेळेत बदल; 1 ऑक्टोबरपर्यंत व्यवस्था

मुंबई-भोपाळ, उदयपूर-भोपाळ फ्लाईटच्या वेळापत्रकातही बदल
Goa-Bhopal Flight
Goa-Bhopal FlightDainik Gomantak
Published on
Updated on

Goa-Bhopal Flight: भारतीय हवाई दलाच्या (एअरफोर्स) नियोजित एअर शो मुळे मध्यप्रदेशातील राजा भोज विमानतळावर येणाऱ्या तीन फ्लाईट्सच्या वेळापत्रकात तात्पुरता बदल करण्यात आला आहे. हा बदल 1 ऑक्टोबरपर्यंत असणार आहे.

राजा भोज विमानतळ हे मध्यप्रदेशची राजधानी भोपाळमधील विमानतळ आहे. भोपाळमध्ये हवाईदलाचा एअरशो होणार आहे. त्याचा सराव सुरू झाला आहे. त्यामुळे अनेक नियमित विमान उड्डाणांच्या वेळेत बदल करण्यात आला आहे.

तर काही उड्डाणे डायव्हर्ट केली आहेत. 30 सप्टेंबर रोजी एअरफोर्स डे आहे. भारतीय हवाईदलाच्या स्थापनेचा हा 91 वा वर्धापन दिन आहे. त्यानिमित्त येथे एअरशो होणार आहे

Goa-Bhopal Flight
Goa Tourism: गोव्याला मागे टाकून वाराणसी नंबर वन! पर्यटकांच्या संख्येत मारली बाजी...

तात्पुरत्या वेळापत्रकानुसार, व्यवस्थापनाने इंडिगोच्या मुंबई मॉर्निंग फ्लाइटचे 6E-6549/5166 मुंबई-भोपाळ-मुंबई या फ्लाईटचे आगमन सकाळी 8:45 वाजता केले असून ही फ्लाईट सकाळी 9:15 वाजता प्रस्थान करेल.

त्याचप्रमाणे उदयपूर ते भोपाळ असा प्रवास करणारी 6E-7774/7973 फ्लाईट सकाळी 8:55 वाजता पोहोचेल आणि 9:20 वाजता निघेल. त्याचप्रमाणे गोव्याहून भोपाळला जाणाऱ्या 6E-6971/6972 फ्लाईटचे आगमन दुपारी 12:40 वाजता होईल आणि प्रस्थान दुपारी 1:10 वाजता होईल.

Goa-Bhopal Flight
Bharat Gaurav Tourist Train: गोव्याला येणार भारत गौरव टुरिस्ट ट्रेन; 28 सप्टेंबरला मदुराईतून सुटणार...

विमानतळाच्या वतीने ही माहिती प्रवाशांना त्यांच्या मोबाईल क्रमांकावर कळवली जात आहे. मंगळवारीच दिल्ली-भोपाळ फ्लाईट खराब हवामानामुळे जयपूर येथे डायव्हर्ट करण्यात आली होती. तसेच भोपाळ-दिल्ली फ्लाईटने दीड तास उशिराने उड्डाण केले होते.

कनेक्टिंग फ्लाईट सुटण्याची शक्यता असल्याने अनेक पर्यटकांना याचा फटका बसतो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com