उत्तर प्रदेशमधील एक व्हिडिओ सध्या सोशल मिडियावर प्रचंड व्हायरल होत आहे. या व्हिडिओत एक महाकाय अजगर शाळेच्या बसमध्ये अडकून पडल्याचे दिसत आहे. दोन तासांच्या अथक प्रयत्नानंतर या अजगराला (Python) सुखरूप बाहेर काढण्यात यश आले. उत्तर प्रदेशातील रायबरेली रविवारी ही घटना घडली.
उत्तर प्रदेशातील रायबरेली (Uttar Pradesh's Raebareli) रविवारी (दि.16) ही घटना घडली. प्रसिद्ध झालेल्या विविध वृत्तानुसार, बस थांब्यावरती उभ्या करण्यात आलेल्या रायन पब्लिक स्कूलच्या बसच्या सीटखाली हे अजगर लपून बसले होते.
या घटनेची माहिती मिळताच सर्कल ऑफिसर (सीओ) सिटी वंदना सिंह आणि सिटी मॅजिस्ट्रेट पल्लवी मिश्रा या घटनास्थळी पोहोचल्या. त्यांनी वनविभागाच्या टीमला घटनास्थळी पाचारण करून अजगराची सुटका केली.
वनविभागाच्या अधिकाऱ्यांनी अजगराची सुटका केल्याचा व्हिडिओ सध्या सोशल मीडियावर व्हायरल होत आहे. व्हिडिओमध्ये एक अधिकारी स्कूल बसमधून अजगराला बाहेर खेचताना दिसत आहे.
वनविभागाच्या अधिकाऱ्यांनी एका वृत्तवाहिनीला दिलेल्या माहितीनुसार, पकडण्यात आलेल्या या अजगराचे वजन सुमारे 80 किलो असून त्याची लांबी साडेअकरा फूट आहे. अजगराला दलमाऊच्या जंगलात सुखरूप सोडण्यात आले आहे. सुमारे दोन तास हे बचावकार्य सुरू होते, वनअधिकाऱ्यांनी अजगराला कसेबसे नियंत्रणात आणण्यात आले. सुदैवाने रविवार असल्याने शाळा बंद होती त्यामुळे कोणतीही जीवितहानी झाली नाही.
स्कूल बस चालकाच्या गावात उभी होती. बसच्या शेजारी काही शेळ्या होत्या आणि अजगर त्या शेळ्यांकडे आकर्षित झाले. असा अंदाज तेथील स्थानिकांनी व्यक्त केला. स्थानिकांनी आरडाओरडा केल्यानंतर साप बसमध्ये घुसला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.