भाजपच्या विजयाचा जल्लोष करताना कार्यकर्त्याचा मृत्यू

उत्तर प्रदेशातील प्रयागराजमध्ये भारतीय जनता पक्षाचा (भाजप) कार्यकर्ता सतीश चौहान याच्या संशयास्पद मृत्यूप्रकरणी चार पोलिसांना निलंबित करण्यात आले आहे. बहरियाच्या नेवाडा गावात भाजपच्या विजयाचा जल्लोष सुरू असताना दगडफेकीत जखमी झालेल्या सतीश चौहानचा मृत्यू झाला. या प्रकरणात पोलिसांवर निष्काळजीपणाचा आरोप करण्यात आला आहे.

यावर एसएसपी अजय कुमार यांनी बहरिया स्टेशन प्रभारी, एक एसआय आणि दोन पोलिस (Police) कर्मचाऱ्यांना निलंबित केले आहे. यासोबतच निरीक्षकासह 10 नावाजलेल्या आणि 25 अनोळखी लोकांवर गुन्हा दाखल करण्यात आला आहे.

मुबारकपूर गावात शनिवारी संध्याकाळी भाजप (BJP) कार्यकर्ते विजयाचा आनंद साजरा करत डीजेवर नाचत होते. यादरम्यान एका बाजूने दगडफेक करण्यात आली, यात 18 वर्षीय सतीश चौहान जखमी झाला. रुग्णालयात नेले असता डॉक्टरांनी (Doctor) त्यांना मृत घोषित केले.

या प्रकरणी एसएसपी अजय कुमार म्हणाले, 'एसएचओ बहरिया रवी प्रकाश, एसआय संजय यादव, कॉन्स्टेबल विकास उपाध्याय आणि दीनदयाल दुबे यांना परिसरातील एका भाजप कार्यकर्त्याच्या संशयास्पद मृत्यूबद्दल वरिष्ठांना माहिती न दिल्याबद्दल शिक्षा करण्यात आली आहे.'