Bengaluru Crime: धक्कादायक! बंगळूरुत ऑटो चालकाकडून मुलीवर लैंगिक अत्याचार; पोलिसांकडून गुन्हा दाखल

देशात सध्या कोलकाता येथील महिला डॉक्‍टरवरील लैंगिक अत्‍याचार आणि हत्या प्रकरण गाजत असताना कर्नाटकची राजधानी बंगळूरुमधून एक धक्कादायक बातमी समोर आली आहे. बंगळूरुत शनिवारी (17 ऑगस्ट) रात्री ऑटो चालकाने एका मुलीवर लैंगिक अत्याचार केला. सिलीकॉन व्हॅली म्हणून ओळखल्या जाणाऱ्या बंगळूरुतील HSR लेआउटमध्ये ही घटना घडली.

बंगळूरु पोलिसांनी दिलेल्या माहितीनुसार, पीडितेला वैद्यकीय तपासणीसाठी रुग्णालयात दाखल करण्यात आले आहे. पोलिसांनी गुन्हा दाखल केला असून प्रकरणाचा सक्रियपणे तपास सुरु आहे.

देहराडूनही हादरले!

बंगळूरुसारखीच माणुसकीला काळिमा फासणारी एक घटना डेहराडूनमधूनही समोर आली आहे. आंतरराज्यीय बस स्टँड (ISBT) येथे उभ्या असलेल्या बसमध्ये एका अल्पवयीन मुलीवर सामूहिक अत्याचार करण्यात आला. 5 लोकांनी तिच्यावर अत्याचार केल्याचा आरोप आहे. लाइव्ह हिंदुस्थानच्या वृत्तानुसार, पीडित तरुणी पंजाबची रहिवासी आहे. ती दिल्लीमार्गे यूपीला पोहोचली होती. जिथून ती मुरादाबादहून डेहराडूनला गेली. दरम्यान, 13 ऑगस्ट रोजी डेहराडून ISBT बसस्थानकात उभ्या असलेल्या बसमध्ये तिच्यावर सामूहिक अत्याचार करण्यात आला, ज्यामध्ये 5 अज्ञात लोकांवर सामूहिक अत्याचार केल्याचा आरोप आहे. पोलिसांनी ISBT कॅम्पसमधून काही लोकांना चौकशीसाठी ताब्यात घेतले आहे.

दरम्यान, बसमधून सर्व प्रवासी उतरल्यानंतर 5 जणांनी या पीडितेवर सामूहिक अत्याचार केला, असा आरोप करण्यात आला. त्यानंतर ते बसमधून पळून गेले. डेहराडूनच्या ISBT बसस्थानकापासून हाकेच्या अंतरावर पोलिस चौकी आहे. बसस्थानकाच्या गेटला लागूनच पटेल नगर कोतवालीची ISBT पोलिस चौकी आहे. बसस्थानकावर रात्रभर लोकांची ये-जा सुरु असते. अशा स्थितीत पहाटे घडलेल्या या घटनेने सुरक्षा व्यवस्थेवर प्रश्नचिन्ह निर्माण झाले आहे. या घटनेने संपूर्ण परिसरात खळबळ उडाली.