Uttar Pradesh Crime: उत्तर प्रदेशातील बलिया येथे ट्यूशन टीचरचे काळे कृत्य समोर आले आहे. पोलिसांनी त्या टीचरला अटक केली आहे. सदर कोतवाली भागातील हे प्रकरण आहे.
नववीत शिकणाऱ्या विद्यार्थ्याच्या आईशी टीचरने जबरदस्तीने शारीरिक संबंध ठेवले आणि त्याचा व्हिडिओ बनवून दोन वर्षांपासून तो महिलेला ब्लॅकमेल करत होता. पीडितेच्या तक्रारीवरुन सदर कोतवाली येथे गुन्हा दाखल करुन आरोपी मनीष पांडे याला पोलिसांनी अटक केली आहे.
दरम्यान, याप्रकरणी पोलिस अधीक्षक एस आनंद सांगतात, 'पीडितेने पोलिसांना सांगितले की, मनीष नावाच्या एका टीचरचे तिच्या घरी येणे-जाणे होते, त्यानंतर त्यांच्यात काही संबंध होते, ज्याचा चुकीच्या पद्धतीने व्हिडिओ काढण्यात आला, त्यानंतर तो ब्लॅकमेल करत राहिला.' पोलिसांनी (Police) आरोपीला अटक केली आहे.
पीडित महिलेने (Women) सदर पोलिस ठाण्यात दिलेल्या तक्रारीत लिहिले आहे की, 'मनीष पांडे माझ्या घरी मुलांना शिकवण्यासाठी यायचे, तेव्हापासून त्यांचे माझ्या घरी येणे-जाणे होते, एके दिवशी त्याने जबरदस्तीने संबंध ठेवत व्हिडिओ बनवला. मला, याबाबत मी पोलिसात तक्रार केल्यास त्याने व्हिडीओ व्हायरल करुन जीवे मारण्याची धमकी दिली.'
तो माझ्यासोबत कधीही कोणतीही घटना घडवू शकतो, माझ्या मुलांचे अपहरण करुन त्यांची हत्या करु शकतो, त्यामुळे मी न्यायासाठी याचना केल्याचे पीडितेने सांगितले. पोलिसांनी आरोपी टीचरविरुद्ध कलम 358/2023, कलम 376/506 भादंवि अन्वये गुन्हा दाखल करुन आरोपी मनीष पांडे याला अटक केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
