Abhishek Sharma: 'गुरु' वर 'शिष्य' पडला भारी! अभिषेक शर्मानं मोडला युवराजचा विश्वविक्रम, पाकिस्तानविरुद्ध 'इतक्या' चेंडूत झळकावलं अर्धशतक

Abhishek Sharma fastest fifty

अभिषेक शर्माने पाकिस्तानविरुद्ध स्फोटक फलंदाजी दाखवली केली. त्याने संपूर्ण मैदानावर फटकेबाजी केली आणि एकाही गोलंदाजाला सोडले नाही. अभिषेकच्या स्फोटक फलंदाजीचा अंदाज त्याने सुपरस्टार वेगवान गोलंदाज शाहीन आफ्रिदीला त्याच्या पहिल्याच चेंडूवर षटकार मारला यावरून लावता येतो.

पाकिस्तानविरुद्धच्या सामन्यात अभिषेक शर्माने केवळ २४ चेंडूत अर्धशतक पूर्ण केले आणि तो टी२० आंतरराष्ट्रीय क्रिकेटमध्ये पाकिस्तानविरुद्ध सर्वात जलद अर्धशतक करणारा भारतीय खेळाडू ठरला. त्याने युवराज सिंगचा विक्रम मोडला. युवराज सिंगने २०१२ मध्ये पाकिस्तानविरुद्धच्या टी२० सामन्यात केवळ २९ चेंडूत अर्धशतक पूर्ण केले होते. आता अभिषेकने त्याचा विक्रम आपल्या नावे केला आहे.

अभिषेक शर्माने आपल्या स्फोटक फलंदाजीने पाकिस्तानविरुद्धच्या सामन्याला पूर्णपणे एकतर्फी बनवले. त्याने ३९ चेंडूत सहा चौकार आणि पाच षटकारांसह ७४ धावा केल्या. अबरार अहमदच्या चेंडूवर मोठा स्ट्रोक घेण्याच्या प्रयत्नात तो हरिस रौफच्या हाती झेलबाद झाला.

अभिषेक शर्माने त्याच्या डावात पाच षटकार मारून टी-२० आंतरराष्ट्रीय क्रिकेटमध्ये ५० षटकार मारले. तो टी-२० आंतरराष्ट्रीय क्रिकेटमध्ये सर्वात जलद ५० षटकार मारणारा भारतीय फलंदाज ठरला. त्याने फक्त ३३१ चेंडूत ही कामगिरी केली. त्याच्या आधी टी-२० आंतरराष्ट्रीय क्रिकेटमध्ये सर्वात कमी चेंडूत ५० षटकार मारण्याचा विक्रम सूर्यकुमार यादवच्या नावावर होता. सूर्याने टी-२० आंतरराष्ट्रीय क्रिकेटमध्ये ५१० चेंडूत ५० षटकार मारले होते.

अभिषेक शर्माने २०१४ मध्ये भारतीय संघासाठी टी-२० आंतरराष्ट्रीय पदार्पण केले आणि तेव्हापासून तो भारतीय संघातील एक महत्त्वाचा खेळाडू आहे. त्याने २१ टी-२० आंतरराष्ट्रीय सामन्यांमध्ये एकूण ७०८ धावा केल्या आहेत, ज्यात दोन शतके आणि तीन अर्धशतके आहेत.