Changes From 1 January 2023: काही दिवसांनी नवीन वर्ष सुरु होत असून अनेक बदलांसह नवीन वर्षाची सुरुवात होत आहे. बँक लॉकर, क्रेडिट कार्ड आणि मोबाईलशी संबंधित अनेक नियमांमध्ये बदल होणार आहेत. यासोबतच गॅस सिलिंडरच्या किमती आणि वाहनांच्या किमतीही वाढू शकतात. या सर्व बदलांचा थेट परिणाम तुमच्या खिशावर होणार आहे. 1 जानेवारी 2023 पासून काय बदल होणार आहेत, ते जाणून घ्या...
वाहने महाग होतील
नवीन वर्षापासून वाहनांचे दर वाढणार आहेत. Maruti Suzuki, Hyundai Motor, Tata Motors, Mercedes-Benz, Audi, Renault, Kia India आणि MG Motor 1 जानेवारी 2023 पासून वाहनांच्या किमती वाढवतील.
बँक लॉकरच्या नियमात बदल होणार आहे
याशिवाय, 1 जानेवारीपासून रिझर्व्ह बँक (RBI) सर्व लॉकरधारकांना एक करार जारी करेल आणि त्यावर ग्राहकांना स्वाक्षरी करावी लागेल.
क्रेडिट कार्डशी संबंधित नियमांमध्ये बदल होणार
तसेच, क्रेडिट कार्डशी संबंधित नियमांमध्येही बदल होणार आहे. HDFC बँक (HDFC Bank) रिफंड पॉइंट आणि फी देखील बदलणार आहे. याशिवाय SBI ने काही कार्डचे नियम बदलण्याचा निर्णयही घेतला आहे.
गॅस सिलिंडरच्या दरात बदल होणार
त्याचबरोबर, प्रत्येक महिन्याच्या 1 तारखेला गॅस सिलिंडरच्या किमतींचा आढावा घेतला जातो. सरकारी तेल कंपन्या दर महिन्याच्या पहिल्या दिवशी गॅस सिलिंडरच्या किमती कमी करतात किंवा वाढवतात.
जीएसटीचे नियम बदलतील
1 जानेवारीपासून जीएसटीचे नियमही बदलणार आहेत. 5 कोटींहून अधिक वार्षिक उलाढाल असलेल्या व्यावसायिकांसाठी आता ई-इनव्हॉइस तयार करणे आवश्यक असेल.
मोबाईलचे नियम बदलतील
याशिवाय, 1 तारखेपासून प्रत्येक फोन उत्पादक आणि त्याच्या आयात आणि निर्यात कंपनीसाठी प्रत्येक फोनच्या IMEI क्रमांकाची नोंदणी आवश्यक असेल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
