रिलायन्स इंडस्ट्रीज ही देशातील सर्वात मोठी कंपनी आहे तर तिचे अध्यक्ष आशियातील सर्वात श्रीमंत उद्योगपती आहेत.
दुसरीकडे, गौतम अदानीही देशातील प्रत्येक क्षेत्रात आपला दबदबा निर्माण करतायेत. परंतु या बाबतीत अदानी आणि अंबानी टाटांच्या मागे-पुढे कुठेच नाहीयेत. हा मामला एका ब्रँडचा आहे.
टाटा समूहाने भारतातील सर्वात मौल्यवान ब्रँड म्हणून आपले स्थान कायम ठेवले आहे. दुसरीकडे, इन्फोसिस आणि एचडीएफसी ग्रुप हे देशातील दुसऱ्या आणि तिसऱ्या क्रमांकाचे ब्रँड आहेत.
असा कोणता अहवाल आला आहे, ज्यामध्ये टाटा समूहाची ताकद स्पष्टपणे दिसून येते, हे आम्ही तुम्हाला सांगणार आहोत...
ब्रँड व्हॅल्युएशन ॲडव्हायझर ब्रँड फायनान्सच्या ताज्या अहवालानुसार, विविध व्यावसायिक क्षेत्रात सक्रिय असलेल्या टाटा समूहाचे (Tata Group) ब्रँड मूल्य 9 टक्क्यांनी वाढून $28.6 अब्ज झाले आहे.
एका निवेदनानुसार, टाटा समूह हा पहिला भारतीय ब्रँड आहे जो 30 अब्ज डॉलर्सच्या ब्रँड व्हॅल्युएशनच्या जवळ जात आहे. तर देशातील सर्वात मोठ्या आयटी कंपन्यांपैकी एक इन्फोसिस दुसऱ्या क्रमांकावर आहे. ज्यांच्या वाढीतही 9 टक्के वाढ झाली आहे.
जागतिक IT सेवा क्षेत्रातील मंदी असूनही, या कंपनीचे ब्रँड मूल्य $14.2 अब्ज इतके आहे. जे खूपच अप्रतिम आहे.
एचडीएफसी समूहाबाबत बोलायचे झाल्यास, ते या यादीत तिसऱ्या क्रमांकावर आहे. अहवालानुसार, HDFC समूहाचे व्हॅल्युएशन $ 10.4 अब्ज इतके आहे. त्यामुळे हा देशातील तिसरा सर्वात मोठा ब्रँड बनला आहे.
गेल्या वर्षी गृहनिर्माण वित्त कंपनी एचडीएफसी लिमिटेडमध्ये विलीनीकरण झाल्यानंतर एचडीएफसीला खूप बळ मिळाले आहे.
अहवालानुसार, देशातील सर्वात मोठ्या खाजगी बँकेच्या ब्रँड व्हॅल्यूमध्ये 10 अंकांची वाढ झाली आहे. तर इंडियन बँक, इंडसइंड बँक आणि युनियन बँक या यादीत आघाडीवर आहेत.
अहावालानुसार, टेलिकॉम सेक्टरच्या ब्रँड व्हॅल्यूमध्ये सर्वाधिक वाढ दिसून आली आहे. हा आकडा सर्वाधिक 61 टक्क्यांवर पोहोचला आहे. यानंतर क्रमांक बँकिंग क्षेत्राचा आहे, ज्यात 26 टक्क्यांनी वाढ झाली आहे.
खाण, लोह आणि पोलाद क्षेत्रात सरासरी 16 टक्के वाढ झाली आहे. अहवालात पुढे असेही म्हटले आहे की, Jio, Airtel आणि Vodafone Idea सारख्या दूरसंचार कंपन्यांनी ग्राहक उपकरणे वापरण्याच्या पद्धती विकसित करुन वाढीचा वेग वाढवला आहे.
बँकिंग क्षेत्रातील संरचनात्मक सुधारणा आणि नियामक सुधारणांमुळे आघाडीच्या सार्वजनिक क्षेत्रातील बँकांचे ब्रँड मूल्य वाढले आहे. ब्रँड फायनान्सने म्हटले आहे की, टाटा समूहाचा हॉस्पिटॅलिटी ब्रँड ताज सर्वोत्कृष्ट भारतीय ब्रँड म्हणून आपले स्थान मजबूत करत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.