Revenue surge in Facebook and Instagram, Apple stocks on record iPhone sales in India:
ॲपल, फेसबुक आणि इन्स्टाग्रामने कमाईत मोठी झेप घेतली आहे. खरं तर, आयफोन निर्मात्या Apple च्या महसुलात ऑक्टोबर-डिसेंबर 2023 तिमाहीत मजबूत iPhone विक्रीमुळे दुहेरी अंकांनी वाढ झाली.
ॲपलचे मुख्य कार्यकारी अधिकारी टिम कुक म्हणाले, 'भारतात महसुलाच्या बाबतीत वाढ झाली आहे. डिसेंबर तिमाहीत मजबूत दुहेरी-अंकी वाढ आणि विक्रमी महसूल दिसला.
Apple चा तिमाही महसूल 119.6 अब्ज अमेरिकन डॉलर्स इतका होता, जो वर्षभरात दोन टक्क्यांनी वाढला आहे. या तिमाहीत, कंपनीचा iPhone मधील महसूल सुमारे सहा टक्क्यांनी वाढून 69.7 अब्ज अमेरिकन डॉलर्स झाला आहे. ऑक्टोबर-डिसेंबर 2022 मध्ये तो 65.77 अब्ज अमेरिकन डॉलर्स होता.
2023 च्या तिसऱ्या तिमाहीत Facebook आणि Instagram ने 14 अब्ज अमेरिकन डॉलर्स प्रति शेअर कमावले.
मेटा प्लॅटफॉर्म्स इंक., फेसबुक आणि इंस्टाग्रामची कॅलिफोर्नियास्थित मूळ कंपनीने, सांगितले की ऑक्टोबर-डिसेंबर कालावधीत त्यांनी 14 अब्ज अमेरिकन डॉलर्स प्रति शेअर कमावले. ते एका वर्षापूर्वीच्या 4.65 अमेरिकन डॉलर्स प्रति शेअरपेक्षा जास्त आहे.
महसूल वार्षिक 25 टक्के वाढून 40.11 अब्ज अमेरिकन डॉलर्स झाला आहे. एका वर्षापूर्वी तो 32.17 अब्ज अमेरिकन डॉलर्स होता.
"आमच्या कंपनीसाठी हे एक महत्त्वाचे वर्ष होते," मेटा प्लॅटफॉर्म्स इंक. ने एका निवेदनात हे म्हटले आहे. आम्ही आमची ऑपरेशनल शिस्त वाढवली, आमचे उत्पादन प्राधान्यक्रम मजबूत केले आणि आमच्या सेवांवर अवलंबून असलेल्या व्यवसायांसाठी जाहिरात कार्यप्रदर्शन सुधारले.’
ॲपलचे मुख्य कार्यकारी अधिकारी टिम कुक पुढे म्हणाले की, कंपनीने मलेशिया, मेक्सिको, फिलीपिन्स, पोलंड आणि तुर्की, इंडोनेशिया, सौदी अरेबिया इत्यादीसह इतर बाजारपेठांमध्ये सर्वकालीन उच्च महसूल नोंदविला आहे.
डिसेंबर 2023 च्या तिमाहीत iPad विक्री सुमारे 25 टक्क्यांनी घसरली आहे. Apple च्या वेअरेबल्स, होम आणि ॲक्सेसरीज सेगमेंटची विक्री देखील वर्षभरात जवळपास 11 टक्क्यांनी घसरली आहे. तर मॅक पीसीची विक्री स्थिर राहिली आहे.
30 सप्टेंबर 2023 रोजी संपलेल्या आर्थिक वर्षात कंपनीचा वार्षिक महसूल 2.8 टक्क्यांनी घसरून 383.28 अब्ज अमेरिकन डॉलर्सवर आला आहे. आर्थिक वर्ष 2022 मध्ये तो 394.32 अब्ज अमेरिकन डॉलर्स होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
