Reliance Industries Q4 Results: रिलायन्स इंडस्ट्रीजने आर्थिक वर्ष 2021-22 च्या चौथ्या तिमाहीचे आर्थिक निकाल जाहीर केले आहेत. चौथ्या तिमाहीत रिलायन्स इंडस्ट्रीजच्या निव्वळ नफ्यात 22.50 टक्क्यांनी वाढ झाली आहे. जानेवारी-मार्च तिमाहीत तिचा निव्वळ नफा 16,203 कोटी रुपये होता, जो 2020-21 मध्ये याच तिमाहीत 13,227 कोटी रुपये होता,असी माहिती कंपनीने स्टॉक एक्स्चेंजला दिली. रिलायन्स इंडस्ट्रीजच्या कामकाजातील महसूल 36.79 टक्क्यांनी वाढून रु. 2,11,887 कोटी झाला आहे, जो मागील वर्षीच्या याच तिमाहीत रु. 1,54,896 कोटी होता. कंपनीच्या बोर्डाने प्रति शेअर 8 रुपये लाभांशही जाहीर केला आहे. (Reliance Industries Q4 Results)
100 अब्ज डॉलरची विक्री
संपूर्ण आर्थिक वर्षात रिलायन्स इंडस्ट्रीजचा महसूल 7.92 लाख कोटी रुपये म्हणजेच 104.6 अब्ज इतका आहे. रिलायन्स इंडस्ट्रीज $100 बिलियन पेक्षा जास्त महसूल मिळवणारी पहिली भारतीय कंपनी बनली आहे. त्याचवेळी, रिलायन्सने संपूर्ण आर्थिक वर्षात 67,845 कोटी रुपयांचा नफा कमावला आहे.
रिलायन्स जिओचे परिणाम
चालू आर्थिक वर्षाच्या चौथ्या तिमाहीत रिलायन्स जिओ इन्फोकॉमचा निव्वळ नफा रु. 4,173 कोटी होता, जो मागील तिमाहीत रु. 3,615 कोटी होता. चौथ्या तिमाहीत, रिलायन्स जिओचे उत्पन्न 8 टक्क्यांनी वाढून 20,901 कोटी रुपये झाले आहे, जे त्याच आर्थिक वर्षाच्या तिसऱ्या तिमाहीत 19,347 कोटी रुपये होते.
आरआयएलचा समभाग निकालापूर्वीच घसरला
निकालापूर्वी रिलायन्स इंडस्ट्रीजच्या शेअरमध्ये घसरण पाहायला मिळाली. बाजार बंद झाल्यानंतर त्याचे परिणाम दिसून आले आहेत. RIL चा शेअर 0.74 टक्क्यांच्या घसरणीसह 2621 च्या पातळीवर बंद झाला. व्यापारादरम्यान स्टॉकने देखील वाढ नोंदवली होती आणि स्टॉकने मागील 2640.75 च्या बंद पातळीच्या तुलनेत 2659.55 या दिवसाच्या उच्चांकावर पोहोचला होता. स्टॉकचा वर्षाचा उच्चांक 2855 आहे आणि वर्षाचा नीचांक 1906 आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
