HDFC Bank: तुम्ही जर HDFC बँकेचे ग्राहक असाल आणि कोणत्याही प्रकारचे कर्ज घेतले असेल किंवा तुम्ही कर्ज घेण्याचा विचार करत असाल, तर बातमी तुमच्यासाठी महत्त्वाची आहे. एचडीएफसी बँकेने एमसीएलआरमध्ये 15 बेसिस पॉइंट्सची वाढ केली आहे.
HDFC बँकेने (HDFC Bank) दिलेल्या माहितीनुसार, नवीन दर 7 सप्टेंबर 2023 पासून लागू होणार आहेत. म्हणजेच जन्माष्टमीला व्याजदर वाढवण्याचा निर्णय बँकेने घेतला आहे.
बँकेकडून ओव्हरनाइट MCLR 8.35 टक्क्यांवरुन 8.50 टक्क्यांनी 15 बेस पॉईंटने वाढवला आहे. बँकेचा एक महिन्याचा MCLR 8.45 टक्क्यांवरुन 10 bps ने वाढून 8.55 टक्के झाला आहे.
त्याचप्रमाणे, तीन महिन्यांचा MCLR 8.70 टक्क्यांवरुन 8.80 टक्क्यांवर पोहोचला आहे. तथापि, सहा महिन्यांचा MCLR 8.95 वरुन 9.05 पर्यंत वाढवला आहे.
याशिवाय, सर्व कर्जांशी जोडलेला एक वर्षाचा MCLR दर 5 bps ने 9.10 टक्क्यांवरुन 9.15 टक्क्यांपर्यंत वाढवला आहे.
त्याचवेळी, दोन वर्षे आणि तीन वर्षांसाठी MCLR 5 bps ने वाढवून अनुक्रमे 9.20 टक्के आणि 9.25 टक्के केले आहे. अशा प्रकारे बँकेने सर्व मुदतीची कर्जे महाग केली आहेत.
एक्सटर्नल बेंचमार्क लेंडिंग रेट (EBLR) प्रणाली अंतर्गत, आरबीआयने बँकांना फ्लोटिंग रेट हाऊस लोनचे व्याज दर आणि मासिक हप्ता बदलताना पारदर्शकता राखण्याचे निर्देश दिले आहेत.
आरबीआयच्या (RBI) वतीने, गृहकर्ज ग्राहकांना निश्चित दरावर स्विच करण्याचा पर्याय देण्याचे सांगण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
