Petrol-Diesel Price Update: रक्षाबंधनाच्या मुहूर्तावर सरकारने एलपीजी सिलिंडरच्या दरात कपात केल्यानंतर पेट्रोल आणि डिझेल स्वस्त होण्याची शक्यता आहे. महागाई कमी करण्यासाठी सरकारकडून सातत्याने पावले उचलली जात आहेत.
अशा स्थितीत एलपीजीनंतर पेट्रोल आणि डिझेलच्या किमती कमी होतील, अशी शक्यता वर्तवली जात आहे. गेल्या दोन तिमाहीपासून तेल कंपन्या नफा कमावत आहेत. अशा परिस्थितीत ग्राहकांना लाभ देण्याचा विचार केला जात आहे.
यासंदर्भात पेट्रोलियम आणि नैसर्गिक वायू मंत्री म्हणाले की, सरकारने नुकतीच एलपीजी सिलिंडरच्या किमतीत कपात केली आहे. उज्ज्वला योजनेंतर्गत मिळणाऱ्या अनुदानात हा लाभ जोडण्यात आल्याचे त्यांनी सांगितले.
आगामी काळात पेट्रोल आणि डिझेलचे दर कमी होण्यास वाव आहे. जागतिक पातळीवर कच्च्या तेलाच्या किमती स्थिर राहिल्यास किमतीत कपात होऊ शकते. दुसरीकडे, पेट्रोल पंप डीलर्सची बैठक 9 सप्टेंबरला म्हणजेच शनिवारी होणार आहे.
पेट्रोल पंप डीलर्सच्या बैठकीत डीलर्सचे कमिशन वाढवण्यावरही चर्चा होणार आहे. यादरम्यान पेट्रोल आणि डिझेलच्या (Diesel) दरात कोणत्याही प्रकारचा बदल करायचा असल्यास त्याची माहिती अगोदर द्यावी, अशी मागणी करणारे पत्रही डीलर्सच्या वतीने देण्यात येणार आहे.
कन्सोर्टियम ऑफ इंडियन पेट्रोलियम डीलर्स (सीआयपीडी) ने यासंदर्भात पेट्रोलियम मंत्र्यांना पत्रही लिहिले आहे. दरातील बदलाबाबत माहिती देण्याची मागणीही सीआयपीडीने केली आहे. सरकारने तेल विपणन कंपन्यांना (OMCs) डीलरचे कमिशन वाढवण्याचे निर्देश द्यावेत.
दिवाळीच्या मोसमात पेट्रोल आणि डिझेलचे दर प्रतिलिटर 3 ते 5 रुपयांनी कमी होण्याची शक्यता मीडिया रिपोर्ट्समध्ये आहे. नोव्हेंबर ते डिसेंबर दरम्यान होणाऱ्या काही राज्यांच्या निवडणुकांपूर्वी सरकारकडून हे पाऊल उचलले जाऊ शकते.
जेएम फायनान्शियल इन्स्टिट्यूशनल सिक्युरिटीजच्या अहवालात एलपीजी सिलिंडरच्या किमतीत कपात झाल्यामुळे सर्वसामान्यांना महागाईपासून (Inflation) दिलासा मिळाला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.