Deposits of banks in the country doubled in seven years, crossed the 200 lakh crore mark for the first time, according to RBI:
देशातील बँकांमध्ये जमा करण्यात आलेल्या रकमेत सात वर्षांत दुपटीने वाढ झाली आहे. बँकेच्या ठेवींनी पहिल्यांदाच २०० लाख कोटी रुपयांचा टप्पा ओलांडला आहे. ५ ते ६ टक्के व्याज असूनही बँकांमध्ये पैसे जमा करण्यावर लोकांचा विश्वास असल्याचे यावरून दिसून येते.
RBI च्या आकडेवारीनुसार, सप्टेंबर 2016 मध्ये बँकांमध्ये जमा झालेली एकूण रक्कम 100 लाख कोटी रुपये होती. त्यात वार्षिक आधारावर ९.५ टक्के वाढ नोंदवली गेली आहे.
भारतीय बँकांमध्ये जमा झालेल्या पैशांचा हा आकडा कमीत कमी वेळेत १०० लाख कोटी रुपयांवर पोहोचला आहे. 29 डिसेंबर 2023 पर्यंत बँक ठेवींचा आकडा 200.8 लाख कोटी रुपयांवर पोहोचला.
2022 च्या तुलनेत यामध्ये 2023 साली 13.2 टक्क्यांनी वाढ झाली आहे. लोक मोठ्या प्रमाणावर म्युच्युअल फंड आणि शेअर्समध्ये गुंतवणूक करत असताना बँक ठेवींमध्येही वाढ झाली आहे.
शेअर बाजाराचे भांडवलीकरण 373 लाख कोटी रुपये असताना, म्युच्युअल फंडांची मालमत्ता अंतर्गत व्यवस्थापन (AUM) म्हणजेच गुंतवणूकदारांच्या गुंतवणुकीचे मूल्य प्रथमच 50 लाख कोटी रुपयांवर पोहोचले आहे.
फंड हाऊसेसच्या एयूएममध्ये 10 वर्षांत सहा पट वाढ झाली आहे. गेल्या वर्षी त्यात 10 लाख कोटी रुपयांची वाढ झाली होती.
आरबीआयच्या म्हणण्यानुसार, बँकांमध्ये जमा केलेल्या रकमेपैकी 176 लाख कोटी रुपये मुदत ठेवींमध्ये आहेत आणि उर्वरित पैसे बचत आणि चालू खात्यांमध्ये आहेत.
बँकांनी या कालावधीत 159.6 लाख कोटी रुपयांचे कर्ज दिले आहे. 2022 च्या तुलनेत सुमारे 20 टक्के वाढ झाली आहे.
1997 मध्ये बँकांमध्ये जमा झालेली रक्कम 5.1 लाख कोटी रुपये होती. चार वर्षांत ते 10 लाख कोटी रुपये झाले. यानंतर मार्च 2006 मध्ये ही रक्कम दुप्पट होऊन 20 लाख कोटी रुपये झाली. मार्च 2006 ते जुलै 2009 या कालावधीत हा आकडा सर्वाधिक वेगाने वाढून 40 लाख कोटी रुपयांवर पोहोचला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.