Fixed Deposit Rate Hike: देशातील बहुतेक मोठ्या बँका उदाहरणार्थ ICICI बँक, HDFC बँक, SBI इत्यादींनी सप्टेंबर 2023 मध्ये त्यांच्या FD व्याजदरांमध्ये कोणताही बदल केलेला नाही. परंतु अशा काही बँका आहेत ज्यांनी त्यांच्या ग्राहकांना एफडी योजनांवर जास्त व्याजदराची भेट दिली आहे.
बँकेने एफडीवरील व्याजदर वाढवणे म्हणजे त्यात ग्राहकांचा फायदा होणे. विशेषतः ज्येष्ठ नागरिकांना याचा मोठा लाभ मिळत असतो. तर जाणून घेऊया या बँकांविषयी आणि त्यांनी एफडीवर वाढवलेल्या व्याजदरांविषयी..
IDBI बँक
आयडीबीआय बँकेने 15 सप्टेंबर 2023 रोजी FD व्याजदरात वाढ केली. बँक सर्वसामान्य नागरिकांना 3 ते 6.80 टक्के व्याजदर देत आहे. तर ज्येष्ठ नागरिकांना 7 दिवस ते 10 वर्षांच्या FD वर 3.50 ते 7.30 टक्के व्याजदर देत आहे.
Axis बँक
अॅक्सिस बँकेने 15 सप्टेंबर 2023 पासून काही कालावधीच्या FD योजनांवरील ग्राहकांच्या व्याजदरात 50 बेस पॉईंट्सची वाढ केली आहे. हे व्याजदर 2 कोटी रुपयांपेक्षा कमी एफडीवर लागू करण्यात आले आहेत.
या बदलानंतर, सामान्य ग्राहकांना 7 दिवसांपासून ते 10 वर्षांपर्यंतच्या एफडीवर 3 ते 7.10 टक्के व्याजदर मिळत आहे.
कोटक महिंद्रा बँक
कोटक महिंद्रा बँकेने 13 सप्टेंबर 2023 रोजी 2 कोटी रुपयांपेक्षा कमी FD वरील व्याजदर बदलले आहेत. यानंतर, बँक 7 दिवसांपासून ते 10 वर्षांपर्यंतच्या एफडीवर 2.75 टक्के ते 7.25 टक्के व्याजदर देत आहे.
येस बँक
येस बँकेने 4 सप्टेंबर 2023 रोजी 2 कोटी रुपयांपेक्षा कमी FD योजनेत बदल केले आहेत. यानंतर बँक सामान्य ग्राहकांना 3.25 ते 7.75 टक्के आणि ज्येष्ठ नागरिकांना 3.75 टक्के ते 8.25 टक्के व्याजदर देत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
