Anant Ambani Latest News: मुकेश अंबानींच्या घरी आणखी एक छान सोहळा पार पडला. देशातील दिग्गज उद्योगपती मुकेश अंबानी यांचा धाकटा मुलगा अनंत अंबानीही लवकरच विवाहबंधनात अडकणार आहे. गुरुवारी राधिका मर्चंटसोबत अनंतचा साखरपुडा झाला. याआधी मुकेश अंबानी आणि नीता अंबानी यांची मुलगी ईशा आपल्या जुळ्या मुलांसोबत पहिल्यांदाच घरी पोहोचली होती. रिलायन्स ग्रुपमध्ये अनंत अंबानी कोणता बिझनेस हाताळत आहेत ते जाणून घ्या...
अनंत अंबानीचा जन्म 10 एप्रिल 1995 रोजी झाला. मुकेश अंबानी (Mukesh Ambani) यांनी रिलायन्स न्यू एनर्जी बिझनेसची कमान अनंत यांच्याकडे सोपवली आहे. या व्यवसायाची जबाबदारी अनंत अंबानी सांभाळतील. सध्या ते Reliance 02C आणि Reliance New Solar Energy चे संचालक म्हणून काम करत आहेत.
मुकेश अंबानी यांचा मोठा मुलगा आकाश टेलिकॉम व्यवसायाची धुरा सांभाळत आहे, तर मुलगी ईशा रिटेल व्यवसाय सांभाळत आहे. धाकटा मुलगा अनंत नवीन ऊर्जा व्यवसायाची जबाबदारी स्वीकारणार आहे.
याशिवाय, फेब्रुवारी 2021 मध्ये अनंतला रिलायन्स O2C चे संचालक बनवण्यात आले आहे. त्याचवेळी, याआधी, अनंतचा जिओ प्लॅटफॉर्म आणि रिलायन्सच्या (Reliance) रिटेल उपक्रमांच्या बोर्डात देखील समावेश होता.
अनंत अंबानी यांच्या शिक्षणाबद्दल सांगायचे झाल्यास, त्यांनी ब्राऊन विद्यापीठातून शिक्षण पूर्ण केले आहे. यानंतर त्यांनी रिलायन्स समूहाचा व्यवसाय पुढे नेण्यास सुरुवात केली. राधिकाबद्दल बोलायचे झाल्यास तर ती गुजराती कुटुंबातील आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
