7th Pay Commission: केंद्रीय कर्मचाऱ्यांना सरकारने मोठा धक्का दिला आहे. तुम्हीही 18 महिन्यांच्या DA थकबाकीची वाट पाहत असाल तर तुमच्यासाठी एक मोठी अपडेट आहे. याबाबतची माहिती अर्थ मंत्रालयाने राज्यसभेत दिली आहे. सरकारने राज्यसभेत सांगितले की, 'कर्मचाऱ्यांना 18 महिन्यांपासून त्यांचे प्रलंबित डीए थकबाकीचे पैसे मिळणार नाहीत.'
पैसे मिळणार नाहीत
माहिती देताना सरकारने म्हटले की, 'कर्मचाऱ्यांना तीन हप्त्यांचे पैसे दिले जाणार नाहीत.' सध्या तरी शासनाकडून तशी तरतूद नाही. हे डीए थकबाकीचे पैसे महामारीच्या काळापासूनचे आहेत, कोराना काळात सरकारने पेन्शनधारकांचे डीए थकबाकी आणि डीआर बंद केले होते.
कर्मचारी संघटना नाराज आहेत
सरकारच्या या प्रतिक्रियेने कर्मचारी संघटना अजिबात खूश नसून हे पैसे थांबवता येणार नसल्याचे त्यांचे म्हणणे आहे. कोरोना काळात डीए न वाढल्यानंतरही कर्मचाऱ्यांनी (Employees) काम केले आहे. या कालावधीत महागाई भत्ता न दिल्याने सरकारने सुमारे 34,000 कोटी रुपयांची बचत केली आहे.
नवीन वर्षात डीएमध्ये पुन्हा वाढ होणार आहे
केंद्र सरकारने (Central Government) 1 जानेवारी 2020 ते 30 जून 2021 या कालावधीतील 18 महिन्यांच्या डीए थकबाकीचे पैसे अद्याप दिलेले नाहीत आणि आता हे पैसे देण्यास सरकारने नकार दिला आहे. सध्या कर्मचाऱ्यांना 38 टक्के दराने डीए मिळत असून लवकरच जानेवारी महिन्यात म्हणजेच नवीन वर्षात डीएमध्ये पुन्हा एकदा वाढ करण्यात येणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
