सासष्टी: गोव्यातील प्रसिद्ध असा जांबावली शिमगोत्सवातील गुलालोत्सव श्री रामनाथ दामोदर देवस्थानच्या प्रांगणात जल्लोषात व भक्तिभावाने साजरा करण्यात आला. ‘श्री रामनाथ दामोदर महाराज की जय’ या जयघोषात व ‘राम राघव गोविंदा, हरी रे रमणा गोविंदा, माधव गोविंद हरी रमणा’ असा गजर करीत पालखीत विराजमान झालेल्या श्री दामोदर देवाच्या मूर्तीवर जमलेल्या भक्त व भाविकांनी गुलाल उधळला तसेच एकमेकांना गुलाल लावण्याचा मनसोक्त आनंद लुटला.