नैऋत्य मोसमी वाऱ्यांच्या (मॉन्सून) हंगामात यंदा चांगल्या पावसाचे संकेत आहेत. जून ते सप्टेंबर या कालावधीत देशात सरासरीपेक्षा अधिक (105 टक्के) पावसाचे पूर्वानुमान भारतीय हवामानशास्त्र विभागाने जाहीर केले. या अंदाजात पाच टक्के कमी-अधिक तफावतीची शक्यता गृहीत धरण्यात आली आहे. गोव्यासह महाराष्ट्रात पावसाचे प्रमाण अधिक राहण्याची शक्यता आहे. गेल्या दोन महिन्यांपासून वाढत्या तामपामानामुळे अंगाची लाही-लाही झाली असताना हवामान विभागाकडून आलेली शुभवर्ता सुखावणारी आहे.