मडगाव: दुचाकीवरून जात असताना मागाहून येणाऱ्या दुसऱ्या एका दुचाकीने घडक दिल्याने परशुराम तलवार (३८) हे गंभीर जखमी होऊन मागाहून त्यांचा गोमेकॉत मृत्यू झाला. रविवारी रात्री उशिरा १ वा.च्या सुमारास येथील कोकण रेल्वे स्थानकासमोरील रस्त्यावर अपघाताची ही घटना घडली. तलवार हे मडगाव पालिकेत वाहनचालक म्हणून कामाला होते.

रुमडामळ गृहनिर्माण वसाहतीत राहत होते. दोन वर्षांपूर्वीच त्यांचा विवाह झाला होता. पोलिसांनी दिलेल्या माहितीनुसार, परशुराम हे दुचाकीवरून रात्री आझादनगर येथून रुमडामळ येथे जात असताना त्यांना मागाहून येत असलेल्या दुचाकीने जोरदार घडक दिली. यात ते गंभीर जखमी झाले. प्रकृती चिंताजनक असल्याने नंतर गोमेकॉत हलविण्यात आले. तेथे त्यांचा मृत्यू झाला.