पणजी: रामा काणकोणकर यांच्यावरील झालेल्या हल्यावरून आरोप-प्रत्यारोप सुरू आहेत. कुख्यात गुंड तथा या प्रकरणातील संशयित जेनिटो कादोंज यांच्याशी माझा व्यक्तिगत संपर्क नाही. एक वकील नात्याने जरूर आला होता; परंतु वकिली पेशा आणि राजकारण निराळे आहे, असे आम आदमी पक्षाचे नेते अमित पालेकर, यांनी म्हटले आहे.

दरम्यान, काणकोणकर यांच्यावर गोमेकॉत उपचार सुरू आहेत. ते पूर्ण बरे झाल्याशिवाय त्यांना गोमेकॉतून घरी पाठवण्यात येऊ नये, अशी मागणी गोमंतक भंडारी समाजाचे अध्यक्ष संजीव नाईक यांनी केली आहे. १८ रोजी दुपारी रामा जसे घडधाकट होते तसेच ते झाल्यावरच त्यांना इस्पितळातून घरी पाठवण्यासाठी आरोग्यमंत्री विश्वजित राणे यांनी लक्ष द्यावे, अशी त्यांनी विनंती केली आहे