गोवा सरकारने गरजूंना निवारा उपलब्ध करुन देण्यासाठी महत्त्वपूर्ण पावले उचलली असून, आतापर्यंत 100 हून अधिक घरे बांधण्यात आली आहेत, अशी माहिती राज्याचे मंत्री विश्वजित राणे यांनी दिली. मुख्यमंत्री प्रमोद सावंत यांच्या नेतृत्वाखालील सरकार समाजातील दुर्बळ घटकांना मदत करण्यासाठी कटिबद्ध असल्याचे त्यांनी यावेळी सांगितले.

राणे यांनी सांगितले की, "गरजू कुटुंबांना हक्काचा निवारा मिळावा यासाठी आम्ही विशेष प्रयत्न करत आहोत. या प्रयत्नांचा एक भाग म्हणून, राज्यभरात आतापर्यंत 100 हून अधिक घरांची बांधणी पूर्ण झाली आहे." या घरांच्या माध्यमातून अनेक बेघर कुटुंबांना सुरक्षित आणि सन्मानाचे जीवन जगता येणार असल्याचे त्यांनी अधोरेखित केले.